مری میں جدید ترین اسمارٹ ٹرام چلانے کا فیصلہ
وزیراعلیٰ پنجاب نے 15 روز میں پلان پیش کرنے کی ہدایت کر دی
(فوٹو فائل)
مری میں جدید ترین اسمارٹ ٹرام چلانے پر اتفاق کر لیا گیا جس کے لیے وزیراعلیٰ پنجاب نے 15 روز میں پلان پیش کرنے کی ہدایت کر دی۔
وزیر اعلیٰ پنجاب مریم نواز شریف اور پاکستان مسلم لیگ نواز کے صدر محمد نواز شریف کی زیر صدارت پنجاب ہاؤس مری میں خصوصی اجلاس ہوا جس میں ڈسٹرکٹ مری ڈویلپمنٹ پراجیکٹس اور ماسٹر پلان پر بریفنگ دی گئی۔
ملٹی اسٹوری پارکنگ پلازہ کا نیا ڈیزائن تیار کرنے کا حکم دیا گیا ہے جس میں 1500 سے زائد گاڑیوں کی گنجائش ہوگی، پارکنگ پلازہ سے سیاح جدید ٹرام پر مری تک آ جا سکیں گے۔
مری کی قدیمی اور تاریخی عمارتوں کو اصل حالت میں بحال کرنے کا اصولی فیصلہ کیا گیا جبکہ دنیا کی بہترین اسٹریٹ کے ماڈل پر مری اسٹریٹ قائم کرنے پر غور کیا گیا۔ مری کے داخلی راستوں پر ڈیجٹل کاوئنٹنگ کیمرے کی تنصیب کے لیے 15 دن کی مدت مقرر کی گئی ہے۔
اجلاس میں مری ٹریفک منیجمنٹ کے پلان کی منظوری دی گئی جبکہ مری کیبل کار سروس مرمت کے بعد بحالی فٹنس سرٹیفکیٹ سے مشروط کی گئی ہے۔
وزیراعلیٰ نے ساملی ٹی بی سینی ٹوریم کی اپ گریڈ یشن پراجیکٹ کی جلد تکمیل کی ہدایت کی جبکہ اسپیشل افراد کے لیے مخصوص ٹائلٹ اور کڈز ریسٹ بنانے کی ہدایت بھی کی ہے۔ انہوں نے مال روڈ پر اسپیشل افراد اور بزرگوں کے لیے وہیل چیئر سینٹر قائم کرنے کا حکم بھی دیا۔
سیاحوں کے لیے مال روڈ سمیت مختلف مقامات پر موٹر وے ماڈل پر بہترین ٹوائلٹ بنائے جائیں گے جبکہ انٹرٹینمنٹ پارک اور گلمپنگ پوڈویلج کی تجاویز پر غور کیا گیا۔
بریفنگ میں بتایا گیا کہ مری کی 12 روڈز کی تعمیر و توسیع 90فیصد سے زائد مکمل کرلی گئی، تجاوزات کے خاتمے اور غیر قانونی تعمیرات کے خلاف آپریشن سے آگاہ کیا گیا۔ تجاوزات کے خاتمے کی مہم کے دوران زخمی اہلکاروں کی مالی امداد کی اصولی منظوری دی گئی، مری اور گرد ونواح میں صاف پانی کی فراہمی کے لیے موجودہ سسٹم اور دریائے جہلم سے واٹر سپلائی اسکیم پر بریفنگ بھی دی گئی۔
وزیراعلیٰ پنجاب مریم نواز نے کہا کہ تجاوزات کے خاتمے کی مہم جاری رہے گی، سمجھوتہ نہیں ہوگا۔
مسلم لیگ ن کے صدر محمد نواز شریف نے کہا کہ عوامی فلاح و ضرورت کے پراجیکٹ میں تاخیر کا سبب بننے والے قوانین میں ترامیم کی جائیں، موٹر وے ہم نے بنائیں اور دوسرے روکتے رہے، پراجیکٹس کے ریکارڈ قائم کیے، دہشت گردی اور لوڈ شیڈنگ ہم نے ختم کی۔
صدر ن لیگ نے کہا کہ کورین کمپنی کی بنی سڑک 10 سال خراب نہیں ہوئی لیکن ماضی میں موٹر وے کو تباہ کر دیا گیا، قومی اثاثے تباہ کرنے والوں کا احتساب ہونا چاہیے۔
وزیر اعلیٰ پنجاب مریم نواز شریف اور پاکستان مسلم لیگ نواز کے صدر محمد نواز شریف کی زیر صدارت پنجاب ہاؤس مری میں خصوصی اجلاس ہوا جس میں ڈسٹرکٹ مری ڈویلپمنٹ پراجیکٹس اور ماسٹر پلان پر بریفنگ دی گئی۔
ملٹی اسٹوری پارکنگ پلازہ کا نیا ڈیزائن تیار کرنے کا حکم دیا گیا ہے جس میں 1500 سے زائد گاڑیوں کی گنجائش ہوگی، پارکنگ پلازہ سے سیاح جدید ٹرام پر مری تک آ جا سکیں گے۔
مری کی قدیمی اور تاریخی عمارتوں کو اصل حالت میں بحال کرنے کا اصولی فیصلہ کیا گیا جبکہ دنیا کی بہترین اسٹریٹ کے ماڈل پر مری اسٹریٹ قائم کرنے پر غور کیا گیا۔ مری کے داخلی راستوں پر ڈیجٹل کاوئنٹنگ کیمرے کی تنصیب کے لیے 15 دن کی مدت مقرر کی گئی ہے۔
اجلاس میں مری ٹریفک منیجمنٹ کے پلان کی منظوری دی گئی جبکہ مری کیبل کار سروس مرمت کے بعد بحالی فٹنس سرٹیفکیٹ سے مشروط کی گئی ہے۔
وزیراعلیٰ نے ساملی ٹی بی سینی ٹوریم کی اپ گریڈ یشن پراجیکٹ کی جلد تکمیل کی ہدایت کی جبکہ اسپیشل افراد کے لیے مخصوص ٹائلٹ اور کڈز ریسٹ بنانے کی ہدایت بھی کی ہے۔ انہوں نے مال روڈ پر اسپیشل افراد اور بزرگوں کے لیے وہیل چیئر سینٹر قائم کرنے کا حکم بھی دیا۔
سیاحوں کے لیے مال روڈ سمیت مختلف مقامات پر موٹر وے ماڈل پر بہترین ٹوائلٹ بنائے جائیں گے جبکہ انٹرٹینمنٹ پارک اور گلمپنگ پوڈویلج کی تجاویز پر غور کیا گیا۔
بریفنگ میں بتایا گیا کہ مری کی 12 روڈز کی تعمیر و توسیع 90فیصد سے زائد مکمل کرلی گئی، تجاوزات کے خاتمے اور غیر قانونی تعمیرات کے خلاف آپریشن سے آگاہ کیا گیا۔ تجاوزات کے خاتمے کی مہم کے دوران زخمی اہلکاروں کی مالی امداد کی اصولی منظوری دی گئی، مری اور گرد ونواح میں صاف پانی کی فراہمی کے لیے موجودہ سسٹم اور دریائے جہلم سے واٹر سپلائی اسکیم پر بریفنگ بھی دی گئی۔
وزیراعلیٰ پنجاب مریم نواز نے کہا کہ تجاوزات کے خاتمے کی مہم جاری رہے گی، سمجھوتہ نہیں ہوگا۔
مسلم لیگ ن کے صدر محمد نواز شریف نے کہا کہ عوامی فلاح و ضرورت کے پراجیکٹ میں تاخیر کا سبب بننے والے قوانین میں ترامیم کی جائیں، موٹر وے ہم نے بنائیں اور دوسرے روکتے رہے، پراجیکٹس کے ریکارڈ قائم کیے، دہشت گردی اور لوڈ شیڈنگ ہم نے ختم کی۔
صدر ن لیگ نے کہا کہ کورین کمپنی کی بنی سڑک 10 سال خراب نہیں ہوئی لیکن ماضی میں موٹر وے کو تباہ کر دیا گیا، قومی اثاثے تباہ کرنے والوں کا احتساب ہونا چاہیے۔