سوناکشی کی پانچویں فلم ’’ہالی ڈے‘‘ بھی 100 کروڑ کلب میں شامل

بالی ووڈ کی شوخ وچنچل حسینہ سوناکشی سنہا کی پانچویں فلم ''ہالیڈے'' بھی100 کروڑ کلب میں شامل ہوگئی۔


سوناکشی سنہا بالی وڈ کی واحد ادکارہ ہیں جن کی پانچ فلمیں100 کروڑ کلب کا حصہ بن چکی ہیں۔ بالی ووڈ فلم ''ہالیڈے'' کی مقبولیت نے سوناکشی سنہا کو ٹاپ پر پہنچا دیا ہے۔ فلم اب تک 100کروڑ روپے کا بزنس کر چکی ہے۔ ''ہالیڈے'' نے جہاں ایک طرف فلمساز کے لیے خوب کمائی کی ہے وہی سوناکشی کو بھی عروج پر پہنچا دیا ہے۔

اس سے پہلے سوناکشی کی فلم ''راؤڈی راٹھور، سن آف سردار، دبنگ ون اور دبنگ ٹو'' بھی 100کروڑ کا حصہ بن چکی ہیں۔ دبنگ ون اور دبنگ ٹو میں سوناکشی کے ہیرو بالی وڈ سپر اسٹار سلمان خان ہیں۔ راؤڈی راٹھور اور ہالیڈے میں سوناکشی کے ساتھ اکشے کمار جلوہ گر ہوئے۔ اس سے پہلے بالی وڈ اداکارہ دیپکا پڈوکون اور پریانکا چوپڑا کی چار' چار فلمیں 100 کروڑ کلب کا حصہ بن چکی ہیں۔