بکروں کو مصنوعی دانت لگا کر بیچنے والے بیوپاری گرفتار

گرفتار میاں بیوی پر مشتمل بیوپاری خاندان حیدرآباد سے بکرے لیکر کراچی آیا تھا۔

---

شہر قائد میں عید سے قبل بیوپاریوں کا شہریوں کو چونا لگانے کا انکشاف، بکروں کے مصنوعی دانت لگا کر بیچنے والے بیوپاری پکڑے گئے۔

تفصیلات کے مطابق سمن آباد تھانے کے علاقے گلبرگ چورنگی پر بکروں کے مصنوعی دانت لگا کر بیچنے والے بیوپاری پکڑے گئے۔ شہریوں نے قریب موجود پولیس کو اطلاع کی۔ پولیس نےبیوپاریوں کو حراست میں لے لیا۔

حراست میں لیے گئے میاں بیوی اور بچوں پر مشتمل بیوپاری خاندان حیدرآباد سے بکرے لیکر کراچی آیا تھا۔ پولیس نے7 بکرے تھانے منتقل کر دیئے اور بیوپاریوں سے مزید تفتیش کی جارہی ہے، تاہم متاثرہ شہری کی جانب سے مزید قانونی کارروائی نہیں کی جارہی۔