مصطفی ٹاؤن میں بکرے چوری کی واردات کے دوران فائرنگ سے چور ہلاک ہوگیا۔

پولیس کے مطابق شہری آصف کے گھر میں چار چور بکرے چوری کرنے کے لیے داخل ہوئے اور اہل خانہ کے شور مچانے پر چوروں نے فائرنگ کردی۔

گھر والوں کی کراس فائرنگ میں ایک چور موقع پر ہلاک ہوگیا جبکہ تین چور ایک بکرا لیکر فرار ہو گئے۔ پولیس کو جائے وقوعہ سے کچھ فاصلے پر چوری شدہ بکرا مل گیا۔

ہلاک ہونے والے چور کی شناخت اعجاز کے نام سےہوئی جو حسن ٹاؤن کا رہائشی نکلا۔ پولیس نے ہلاک ہونے والے چور کی لاش مردہ خانے منتقل کردی۔ جائے وقوعہ سے شواہد اکٹھے کر کے قانونی کارروائی کی جا رہی ہے۔