فٹبال ورلڈ کپ کے گروپ میچ مرحلے میں یوراگوئے نے اٹلی کو 0-1 سے شکست دے کر ایونٹ سے باہر کردیا۔
ورلڈ کپ کے گروپ ڈی کے میچ میں اٹلی اور یوراگوئے کے درمیان فیصلہ کن میچ ہوا اور دونوں جانب سے ایک دوسرے کے گول پر بھرپور حملے کئے گئے، پہلے ہاف میں دونوں ٹیمیں کوئی گول کرنے میں کامیاب نہ ہوسکیں جبکہ دوسرے ہاف کے اختتام سے صرف 9 منٹ قبل ڈیگو گوڈن نے گول کر کے ٹیم کو کامیابی دلائی جو میچ کے اختتام تک برقرار رہی۔
یوراگوئے نے اٹلی سے کامیابی کے بعد ناک آؤٹ مرحلے میں جگہ بنا لی اور گروپ ڈی میں بھی دوسری پوزیشن حاصل کرلی ہے۔