مری میں سیلفی لینے والے دو نوجوان دریا میں ڈوب گئے
ریسکیو 1122 راولپنڈی کی واٹر ریسکیو ٹیم نے نوجوانوں کی تلاش شروع کردی
مری میں دریا کنارے سیلفی لینے والے دو نوجوان پانی میں ڈوب گئے۔
ایکسپریس نیوز کے مطابق واقعہ مری کے علاقے بریتی پھگواڑی کے قریب پیش آیا جہاں دو نوجوان دریا جہلم کے کنارے سیلفی لے رہے تھے۔ اطلاع موصول ہوتے ہی قریبی اسٹیشن سے ریسکیو 1122 ایمبولینس اور اضافی اسٹاف موقع کی طرف روانہ کردیا گیا۔
ریسکیو 1122 راولپنڈی کی واٹر ریسکیو ٹیم بھی موقع کی طرف روانہ ہوگئی اور نوجوانوں کی تلاش شروع کردی۔