دیر تیمرگرہ کے قریب ویگو گاڑی کو حادثہ ایک شخص جاں بحق
حادثے کا شکار گاڑی اپر دیر سے راولپنڈی جا رہی تھی، ریسکیو 1122
لوئر دیر میں تیمرگرہ کے قریب ترئی کے مقام پر ویگو گاڑی کو حادثے کے نتیجے میں ایک شخص جاں بحق اور 7 افراد زخمی ہوگئے۔
ریسکیو 1122 کے مطابق حادثے کا شکار گاڑی اپر دیر سے راولپنڈی جا رہی تھی۔
زخمیوں کو تیمرگرہ اسپتال منتقل کر دیا گیا جبکہ حادثے کے دو شدید زخمیوں کو پشاور منتقل کیا گیا ہے۔ جاں بحق ہونے والے 18 سالہ رمضان ولد نصراللہ کا تعلق عشیرئ درہ اپر دیر سے ہے۔