اسلام آباد سے کالعدم تنظیم کا اہم کمانڈر گرفتار

وفاقی دارالحکومت کی پولیس نے کالعدم تنظیم کے اہم کمانڈر کو گرفتار کر لیا ہے۔


ایکسپریس نیوز کے مطابق اسلام آباد پولیس نے کالعدم تنظیم سے تعلق رکھنے والے اہم کمانڈر عمر کو حراست میں لے لیا ہے۔ پولیس ذرائع کا کہنا ہے کہ عمر نے شمالی وزیرستان سے دہشت گردی کی تربیت حاصل کی اور وہ اسلام آباد اور راولپنڈی میں ہونے والی دہشت گردی کی متعدد کاررئیوں میں پولیس کو مطلوب تھا۔ اس کے علاوہ عمر قبائلی علاقوں سے آنے والے دہشت گردوں کی مالی معاونت بھی کیا کرتا تھا۔

پولیس ذرائع کا کہنا ہے کہ عمر کو نامعلوم مقام پر منتقل کر کے تحقیقات کا آغاز کر دیا گیا ہے تا کہ ملزمان کے دیگر ساتھیوں کی گرفتاری بھی عمل میں لائی جا سکے۔