کندھ کوٹ کے قریب مسافر کوچ الٹنے سے 8 افراد جاں بحق متعدد زخمی
حادثے میں متعدد افراد بھی زخمی ہوگئے جنہیں فوری طبی امداد کیلئے قریبی اسپتال منتقل کردیا گیا
مسافر کوچ پشاور سے کراچی آرہی تھی کہ کندھ کوٹ کے قریب انڈس ہائی وے پر تیز رفتاری کے باعث حادثے کا شکار ہوگئی فوٹو: فائل
لاہور:
انڈس ہائی وے ٹریفک حادثے کے نتیجے میں 8 افراد جاں بحق جبکہ متعدد زخمی ہوگئے۔
ایکسپریس نیوز کے مطابق مسافر کوچ پشاور سے کراچی آرہی تھی کہ کندھ کوٹ کے قریب انڈس ہائی وے پر تیز رفتاری کے باعث حادثے کا شکار ہوگئی جس کے نتیجے میں کوچ میں سوار 8 افراد جاں بحق اور متعدد زخمی ہوگئے،جائے وقوعہ پر امدادی کاموں کے لئے ریسکیو ٹیموں کو طلب کرلیا گیا جبکہ مقامی افراد نے بھی تباہ شدہ کوچ سے لاشوں اورزخمیوں کو نکالنے میں ریسکیو اہلکاروں کی مدد کی۔
ریسکیو ٹیموں نے حادثے میں جاں بحق اورزخمی ہونے والے افراد کو قریبی اسپتال منتقل کردیا ہے جہاں اسپتال ذرائع کے مطابق بعض زخمیوں کی حالت تشویشناک ہے جس کے باعث ہلاکتوں میں اضافے کا خدشہ بھی ظاہر کیا جارہا ہے۔
انڈس ہائی وے ٹریفک حادثے کے نتیجے میں 8 افراد جاں بحق جبکہ متعدد زخمی ہوگئے۔
ایکسپریس نیوز کے مطابق مسافر کوچ پشاور سے کراچی آرہی تھی کہ کندھ کوٹ کے قریب انڈس ہائی وے پر تیز رفتاری کے باعث حادثے کا شکار ہوگئی جس کے نتیجے میں کوچ میں سوار 8 افراد جاں بحق اور متعدد زخمی ہوگئے،جائے وقوعہ پر امدادی کاموں کے لئے ریسکیو ٹیموں کو طلب کرلیا گیا جبکہ مقامی افراد نے بھی تباہ شدہ کوچ سے لاشوں اورزخمیوں کو نکالنے میں ریسکیو اہلکاروں کی مدد کی۔
ریسکیو ٹیموں نے حادثے میں جاں بحق اورزخمی ہونے والے افراد کو قریبی اسپتال منتقل کردیا ہے جہاں اسپتال ذرائع کے مطابق بعض زخمیوں کی حالت تشویشناک ہے جس کے باعث ہلاکتوں میں اضافے کا خدشہ بھی ظاہر کیا جارہا ہے۔