ویون رچرڈز ویسٹ انڈیز کے بعد کس ٹیم کو سپورٹ کرینگے
ویسٹ انڈیز کے سابق لیجنڈ کرکٹر نے اپنی دوسری پسندیدہ ٹیم کا نام بتادیا
ویسٹ انڈیز کے سابق لیجنڈ کرکٹر ویون رچرڈز نے ٹی 20 ورلڈ کپ میں ویسٹ انڈیز کے بعد اپنی دوسری پسندیدہ ٹیم کا نام بتادیا۔
ویوین رچرڈز نے بھارتی ٹیم کے ڈریسنگ روم کا دورہ کیا اور ٹیم کے لئے اپنی حمایت کا اظہار کرتے ہوئے کہا کہ اگر ویسٹ انڈیز ٹورنامنٹ جیتنے میں ناکام رہتا ہے تو میں بھارت کو سپورٹ کروں گا۔
ویون رچرڈز نے بنگلا دیش کو یکطرفہ شکست دینے پر بھارتی کرکٹ ٹیم کی کارکردگی کی تعریف کی اور کہا کہ اب انڈیا سیمی فائنل کے لیے کوالیفائی کرنے کی مضبوط پوزیشن میں ہے۔
واضح رہے کہ آئی سی سی ٹی ٹوئنٹی ورلڈ کپ میں بھارتی ٹیم اب تک ناقابل شکست ہے۔