ویڈیو اداکارہ میرا کا بھائی کی شادی میں رقص

بھائی کے نکاح کی اتنی خوشی ہے کہ الفاظ میں بیان نہیں کر سکتی، میرا

Mian Asghar Saleemi June 26, 2024

اداکارہ میرا اپنے بھائی کی شادی میں رقص کررہی ہے، فوٹو اسکرین گریپ

معروف پاکستانی اداکارہ میرا نے اپنے بھائی کی شادی پر خوشی میں رقص کیا ہے جس کی ویڈیو سامنے آگئی۔

تفصیلات کے مطابق فلم سٹار میرا کے بھائی حسین بھی رشتہ ازدواج سے منسلک ہوئے، اُن کے نکاح کی تقریب گزشتہ روز ڈیفنس لاہور میں منعقد ہوئی جس میں ساتھی فنکاروں، سیاست دانوں سمیت دیگر اہم شخصیات اور رشتے داروں نے شرکت کی۔

تقریب میں سرخ جوڑے میں ملبوس اداکارہ میرا نے خوشی میں رقص بھی کیا اور انہوں نے خوب ادائیں بھی دکھائیں جس پر حاضرین محفل انہیں داد دیے بغیر نہ رہ سکے۔

ڈیفنس لاہور میں ہونے والی نکاح کی تقریب میں اداکارہ میرا والدین، بھائی سمیت دیگر اہل خانہ اور قریبی رشتہ داروں نے شرکت کی۔ اداکارہ کا کہنا تھا بھائی کے نکاح کی اتنی خوشی ہے کہ الفاظ میں بیان نہیں کر سکتی-

دلہا کے والدین کا کہنا تھا خوشی کے اس موقع پر ہماری دعائیں حسین کے ساتھ ہیں، دلہا کے بھائی احسن ، بھابھی اور نکاح میں موجود دیگر مہمان بھی خاصے مسرور دکھائی دیئے اور انہوں نے دولہا دلہن کے لئے نیک خواہشات کا اظہار کیا۔