- شادی کی تقریب میں فائرنگ سے نوجوان لڑکی جاں بحق
- روہت شرما نے بھی کوہلی کی تقلید کرتے ہوئے ٹی 20 انٹرنیشنل کو خیر باد کہہ دیا
- کراچی میں پریمیئم نمبر پلیٹوں کی نیلامی، شہری نے 10 کروڑ کی نمبر پلیٹ خرید لی
- ویرات کوہلی کا ٹی 20 کرکٹ سے ریٹائرمنٹ کا اعلان
- نیپال میں لینڈ سلائیڈنگ سے بچوں سمیت 9 افراد ہلاک
- فیصل واوڈا، مصطفیٰ کمال کے خلاف توہین عدالت کی کارروائی میرے کہنے پرشروع نہیں ہوئی، جسٹس اطہرمن اللہ
- ٹی 20 فائنل میں جنوبی افریقا کو شکست، بھارت دوسری بار عالمی چیمپئن بن گیا
- کراچی: دو روز سے لاپتہ خاتون اور دو بچوں سمیت 5 افراد کی لاشیں برآمد
- کراچی میں گرمی سے ہلاکتوں پر ایدھی اور محکمہ صحت کے متضاد دعوے برقرار
- پاکستان کے 41 اضلاع میں انسداد پولیو مہم کا آغاز پیر سے ہوگا
- پنجاب اسمبلی میں 11 کھرب 94 ارب سے زائد کے مطالبات زرپرمشتمل ضمنی بجٹ منظور
- کراچی میں پولیس بھی غیر محفوظ، ملزمان نے سب انسپکٹر سے گاڑی چھین لی
- وزیراعظم کا پی ڈبلیو ڈی کی تحلیل فوری شروع کرنے کا حکم
- حمزہ خان نے انڈر 19 جونیئر اسکواش چیمپئن شپ جیت لی
- پنجاب اسمبلی میں امریکی ایوان نمائندگان کی قرارداد کے خلاف مذمتی قرارداد منظور
- لیبیا کشتی حادثہ: دو انسانی اسمگلروں کو 17، 17 سال قید
- قومی اقتصادی کونسل نے 19 منصوبوں کی منظوری دے دی
- جائیداد کی منتقلی پر پہلی بار فیڈرل ایکسائز ڈیوٹی عائد، یکم جولائی سے وصولی ہوگی
- کینیڈین امیدوار نے کوئی ووٹ نہ لے کر تاریخ رقم کردی
- پودوں پر مبنی گوشت کی متبادل غذائیں قلبی صحت کے لیے مفید
کراچی ایک بار پھر رہنے کے لائق دنیا کے بدترین شہروں میں شامل
![کراچی مسلسل چوتھی بار رہنے کے لائق بدترین شہروں میں 5 ویں نمبر پر ہے](https://c.express.pk/2024/06/2658163-karachiinleastliveablecity-1719489496-344-640x480.jpg)
کراچی مسلسل چوتھی بار رہنے کے لائق بدترین شہروں میں 5 ویں نمبر پر ہے
لندن: دی اکنامسٹ کی دنیا میں رہنے کے قابل شہروں کی فہرست کا اجرا کیا ہے جس میں کراچی رہائش کے قابل دنیا کے بدترین شہروں میں پانچویں نمبر پر ہے۔
عالمی خبر رساں ادارے کے مطابق ریسرچ اینڈ اینالسز ڈویژن کی اس فہرست کی تیاری میں 173 شہروں کی صحت کی دیکھ بھال، ثقافت و ماحولیات، استحکام، بنیادی ڈھانچے اور تعلیم سمیت متعدد اہم عوامل کی بنیاد پر درجہ بندی کی گئی ہے۔
اس رپورٹ کے مطابق کراچی کا نمبر 169 واں ہے یعنی بدترین قابل رہائش شہروں میں بدستور پانچویں نمبر ہر ہے۔ بنیادی سہولیات کے حساب سے کراچی نے مجموعی طور پر محض 42.7 کا اسکور حاصل کیا۔
کراچی نے علیحدہ علیحدہ کیٹیگری میں صحت کی دیکھ بھال کے لیے 54.2، ثقافت اور ماحولیات کے لیے 35.9، تعلیم کے لیے 75، اور بنیادی ڈھانچے کے لیے 51.8 کے اسکور حاصل کیے ہیں۔
یاد رہے کہ اس فہرست میں کراچی 2019 میں 140 شہروں میں سے 136 ویں اور 2022 میں 140 میں سے 134 ویں نمبر پر تھا جب کہ 2023 میں 173 شہروں میں سے 169 ویں نمبر تھا اور رواں برس بھی یہی نمبر رہا۔
رہائش کے قابل بدترین شہروں میں کراچی سے اوپر صرف نائجیریا کا لاگوس، الجزائر کا الجزائر سٹی، لیبیا کا طرابلس اور شام کا دارالحکومت دمشق ہے۔
دوسری جانب رہائش کے قابل بہترین شہروں آسٹریا کا شہر ویانا 98.4 کے مجموعی اسکور کے ساتھ اوّل نمبر پر براجمان ہے۔ کوپن ہیگن (ڈنمارک کا شہر ) دوسرےاور زیورخ (سوئٹزرلینڈ کا شہر) تیسرے نمبر پر ہے۔
دنیا کے رہنے کے قابل بہترین شہروں میں شامل دیگر ممالک میں بالترتیب ملبورن، کلیگری، جنیوا، سڈنی، اوساکا وغیرہ شامل ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔