- لاہور ایئرپورٹ کو روزانہ 3 گھنٹے کے لئے بند رکھنے کا فیصلہ
- نارتھ ناظم آباد میں تاجر سے 15 لاکھ ڈکیتی میں شامل ملزمان گرفتار
- ’شہریوں کی سرویلنس بادی النظرمیں قانوناً درست نہیں‘ آڈیو لیکس کیس کا تحریری فیصلہ جاری
- جاپان میں نئے نوٹ متعارف؛ بصارت سے محروم افراد بھی پہچان لیں گے
- بجلی کی طویل غیراعلانیہ لوڈشیڈنگ کیخلاف لیاری کے مکینوں کی احتجاجی ریلی
- لاہور میں ٹریفک حادثے میں زخمی وارڈن محمد اکرم دم توڑ گئے
- ڈکیتی مزاحمت یا ذاتی دشمنی؟ کورنگی میں مسلح ملزمان کی فائرنگ سے دکاندار جاں بحق
- حزب اللہ کو نشانہ بنایا تو اسرائیل کو مٹاکر رکھ دیں گے، ایران
- کراچی: فیڈرل بی ایریا میں گھر سے ماں بیٹے کی کئی روز پرانی مسخ شدہ لاشیں برآمد
- ویمنزٹی ٹوئنٹی ایشیا کپ؛ 15 رکنی ٹیم کا اعلان کردیا گیا
- فلپائن؛ پٹاخوں کی فیکٹری میں دھماکے سے 5 افراد ہلاک اور 38 زخمی
- حکومت ہمیں غزہ تک بحری جہاز لے جانے کی اجازت دے، مشتاق احمد
- ’پاکی‘ ہونے کے طعنے پر برطانوی وزیراعظم کا ردعمل سامنے آگیا
- موبائل ایپ پر حاضری نہ لگانے والے 812 پولیس اہلکاروں کی تنخواہ روک دی گئی
- کندھ کوٹ میں پولیس موبائل الٹنے سے 4 اہلکار جاں بحق
- خیبرپختونخوا میں سی ٹی ڈی کی کارروائیوں سے متعلق تفصیلات جاری
- راولاکوٹ جیل سے بھارت کو مطلوب قیدی سمیت 20 فرار
- جرمنی میں اسلام مخالف جرائم کی تعداد دگنی ہوگئی، رپورٹ
- پی آئی اے کا عمرہ کرایوں میں کمی کا اعلان
- سفاک نوجوان نے ماں، بہن اور بھائی کی لاش کے ٹکڑے کرکے کتوں کو کھلادیا
عمر ایوب نے پی ٹی آئی کے سیکریٹری جنرل کے عہدے سے استعفیٰ دے دیا
![— فائل فوٹو](https://c.express.pk/2024/06/2658394-omerayub-1719510373-870-640x480.jpg)
— فائل فوٹو
اسلام آباد: پاکستان تحریک انصاف (پی ٹی آئی) کے سیکریٹری جنرل عمر ایوب نے اپنے عہدے سے استعفیٰ دے دیا اور پارٹی کے سینٹرل فنانس بورڈ کی چیئرمین شپ سے بھی مستعفی ہوگئے۔
قومی اسمبلی میں قائد حزب اختلاف عمر ایوب نے نے بانی پی ٹی آئی عمران خان کے نام 22 جون کو لکھے گئے خط میں سیکریٹری جنرل کی حیثیت سے اپنے عہدے سے استعفیٰ پیش کیا۔
پارٹی کے عہدے سے استعفے کے بعد بیان میں کہا کہ بطور پی ٹی آئی سیکریٹری جنرل میرا استعفیٰ قبول کرنے پر بانی پی ٹی آئی کامشکور ہوں، میں نے اپنا استعفیٰ 22 جون کو بانی پی ٹی آئی اور چیئرمین بیرسٹر گوہر علی کو بھیج دیا تھا۔
انہوں نے کہا کہ سینیٹ میں قائد حزب اختلاف سینیٹر شبلی فراز صاحب نے بانی پی ٹی آئی سے آج اڈیالہ جیل میں ملاقات کے دوران میرا پیغام پہنچایا۔
ان کا کہنا تھا کہ بانی پی ٹی آئی کی ہدایت کے مطابق آنے والے دنوں میں پی ٹی آئی کے تنظیمی ڈھانچے میں مزید تبدیلیاں کی جائیں گی، میں پی ٹی آئی فیملی کے تمام اراکین، پارلیمنٹرینز اور تنظیم کے آفس ہولڈرز کا شکریہ ادا کرنا چاہتا ہوں، جنہوں نے بانی پی ٹی آئی اور پی ٹی آئی کے لیے انتھک محنت اور بہادری سے کام کیا۔
عمر ایوب نے کہا کہ بطور اپوزیشن لیڈر پارٹی کے سیکریٹری جنرل کے عہدے سے انصاف نہیں کر پا رہا تھا لہٰذا کسی اور شخص کو پارٹی کا سیکریٹری جنرل نامزد کیا جائے۔
انہوں نے پارٹی کے بطور سیکریٹری جنرل کے علاوہ پی ٹی آئی کے چئیرمین سینٹرل فنانس بورڈ کے عہدے سے بھی استعفیٰ دے دیا ہے۔
عمر ایوب نے استعفے میں بانی پی ٹی آئی کو مخاطب کرکے لکھا کہ مئی 2023 سے پی ٹی آئی کے سیکریٹری جنرل کی حیثیت سے کام کرنا بڑے عزت کی بات ہے، مجھ پر اعتماد کرنے پاکستان کی سب سے بڑی سیاسی جماعت کے سیکریٹری جنرل کی حیثیت سے کام کرنے کا موقع دینے پر میں آپ کا مشکور ہوں۔
انہوں نے تعاون پر سینیٹر شبلی فراز، کور کمیٹی کے اراکین، پی ٹی آئی کے مرکزی دفتر کے عملے اور تنظیمی اراکین کا خصوصی شکریہ ادا کیا۔
عمر ایوب کا کہنا تھا کہ میں پی ٹی آئی کے لیے ایک کارکن کی حیثیت سے پی ٹی آئی کے نظریے کے مطابق کام کرتا رہوں گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔