- زمبابوے کی ٹیم میں ایک اور پاکستانی نژاد کرکٹر شامل
- چیئرمین پبلک اکاونٹس کمیٹی کے لیے حکومت کا اپوزیشن سے رابطہ
- افغان مالیاتی اور بینکنگ سیکٹرز پر سے عالمی پابندیاں جلد ہٹ جائیں گی، طالبان
- پلاٹوں کی خرید و فروخت پر ٹیکس استشنیٰ شہدا اور زخمی فوجی ملازمین کیلیے ہے، وزیر مملکت
- چیچہ وطنی؛ گھریلو ناچاقی پرشوہر کی فائرنگ سے بیوی زخمی، سالی جاں بحق
- ایس آئی ایف سی ایگزیکٹو کمیٹی اجلاس؛ معاملات تیزی سے آگے بڑھانے کیلئے جامع منصوبے پیش
- جامعہ کراچی؛ بی اے ایل ایل بی (آنرز) سال آخر کے نتائج کا اعلان
- سربیا میں اسرائیلی سفارت خانے پر 3 روز میں دوسرا حملہ
- تجارتی راہداری کے ذریعے پاکستان تک زمینی رابطہ استوار کرنے کے خواہاں ہیں، روسی سفیر
- سی اے اے کی کراچی ایئرپورٹ فروخت کرنے کی خبروں کی تردید
- تحریک انصاف کا 6 جولائی کو اسلام آباد میں جلسہ کرنے کا اعلان
- ہاتھ بندھے ہیں، اسرائیل پر براہ راست حملے نہیں کرسکتے؛ پاسداران انقلاب
- یو اے ای وفد کی کراچی ائیرپورٹ آمد، سول ایوی ایشن سیکیورٹی کا جائزہ
- وزیراعظم کی دوشنبے میں تاجک صدر سے ملاقات، سرمایہ کاری کی پیش کش
- پاکستان کے حسنین اختر نے ایشین انڈر21 اسنوکر چیمپئن شپ جیت لی
- پاکستان اور ازبکستان کے درمیان ریلوے لائن بچھانے پر اتفاق
- ٹرمپ کو استثنیٰ دیکر سپریم کورٹ نے ایک خطرناک مثال قائم کردی؛ بائیڈن
- پاک-بیلاروس سیاسی مشاورتی اجلاس، عالمی فورمز پر تعاون جاری رکھنے پر اتفاق
- سندھ ہائیکورٹ کا لاپتا شہریوں کی بازیابی کی درخواستوں پر مقدمات درج کرنے کا حکم
- کراچی؛ درجہ حرارت میں کمی کے باوجود گرمی اور حبس برقرار
فرسٹ ایئر کے داخلوں کے قواعد و ضوابط جاری، اے ون، اے گریڈ کے طلبہ میرٹ اور دیگر کیلئے زونل پالیسی
![محکمہ کالج ایجوکیشن نے داخلوں کے قواعد و ضوابط جاری کردیے ہیں—فوٹو: فائل](https://c.express.pk/2024/06/2659802-image-1719767142-447-640x480.jpg)
محکمہ کالج ایجوکیشن نے داخلوں کے قواعد و ضوابط جاری کردیے ہیں—فوٹو: فائل
کراچی: محکمہ کالج ایجوکیشن سندھ نے انٹر سال اول میں داخلوں کے قواعد و ضوابط جاری کرتے ہوئے مرکزی داخلہ پالیسی میں اوپن میرٹ “اے ون اور اے گریڈ” تک محدود کر دیا ہے جبکہ دیگر تمام گریڈز کے حامل امیدوار زونل پالیسی پر داخلہ حاصل کرسکیں گے اور یکم جولائی کو شروع ہونے والے انٹرسال اول کے داخلے نویں جماعت کے نتائج کی بنیاد پر ہوں گے۔
سندھ کے محکمہ کالج ایجوکیشن کی جانب سے الیکٹرانک سینٹرلائزڈ کالج داخلہ کے تحت کراچی سمیت سندھ کے سرکاری کالجوں میں سیشن 25-2024کے لیے انٹر سال اول میں داخلہ پالیسی کی منظوری دے دی گئی ہے۔
الیکٹرانک سینٹرلائزڈ کالج داخلہ کے طریقہ کار کے تحت ویب سائٹ seccap.dgcs.gos.pk پر امیدواروں اپنی درخواستیں آن لائن جمع کراسکیں گے جس کی آخری تاریخ 25 جولائی ہے اور 30 جولائی 2024 تک کالجوں میں داخلوں کے لیے تمام فیکلٹیز کی پلیسمنٹ لسٹوں کا اجرا ہوگا۔
پالیسی کے تحت کالج زون سسٹم اس سال کراچی ریجن میں جاری رکھا جائے گا جس سے طلبہ اپنے قریبی کالجوں میں داخلہ لے سکیں گے، صرف گریڈ اے ون اور اے گریڈ کے طلبہ کو یہ اختیار ہوگا کہ وہ کسی بھی کالج میں داخلے کے لیے درخواست دے سکتے ہیں۔
اسی طرح بی، سی، ڈی اور ای گریڈ والے طلبہ اپنے قریبی متعلقہ زون میں ہی درخواست دے سکیں گے اور زون کے باہر درخواست دینے کی صورت میں ان کا داخلہ نہیں ہوگا، ڈائریکٹر جنرل کالجز پروفیسر زاہد راجپر کے مطابق یہ پالیسی گزشتہ سال سے ہی لاگو ہوگئی تھی۔
ڈپٹی ڈائریکٹر انسپکشن لقمان میرانی نے بتایا کہ جب سے ایک فارم کی پالیسی آئی ہے اے ون اور اے گریڈ کے طلبہ زون میں ہی داخلہ لیتے ہیں، اس سوال پر کہ اگر بی، سی یا ڈی گریڈ کے کسی طالب علم کے زون میں ڈی جے یا آدم جی کالج آئے گا تو کیا اسے وہاں داخلہ ملے گا، جس پر ان کا کہنا تھا پہلے اے ون اور اے گریڈ کے کٹ آف مارکس پر انہیں داخلہ ملے گا پھر دیگر گریڈ کے طلبہ کی باری آئی گی۔
واضح رہے کہ انٹرسال اول میں یہ داخلے نویں جماعت کے نتائج کی بنیاد پر ہوں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔