- امریکا میں ڈینگی خطرہ بننے لگا
- مشرقی سندھ میں جمعے سے مون سون ہواؤں کا سلسلہ داخل ہونیکا امکان
- وزیراعلیٰ سندھ کی یوسی کی سطح پر ترقیاتی میپ بنانے کی ہدایت
- بانی پی ٹی آئی کی گرفتاری سے متعلق عالمی رپورٹ ہمارے مؤقف کی تائید ہے، بیرسٹر سیف
- ٹی20 ورلڈکپ جیتنے والی بھارتی ٹیم پر انعامات کی برسات
- پادری 100 ڈالرز کے بدلے جنت میں پلاٹ بیچنے لگا
- تھانہ آبپارہ میں درج مقدمہ؛ بانی پی ٹی آئی سمیت تمام ملزمان بری
- دفاعی نمائش آئیڈیاز 2024 ؛ وزیراعلیٰ سندھ کی زیرصدارت اسٹیئرنگ کمیٹی کا اجلاس
- راولپنڈی؛ خود کو کنوارہ ظاہر کرکے دوسری شادی کرنے والے پر مقدمہ درج
- اڈیالہ جیل میں دہشتگردی سے نمٹنے کی بڑی مشق آج ہوگی
- پختونخوا میں موسم گرم؛ بیشتر علاقوں میں گرج چمک کے ساتھ بارش کا امکان
- عمران خان کی بیٹوں سے ملاقات کی درخواست، حکومت و جیل انتظامیہ سے جواب طلب
- کراچی میں بی آر ٹی ریڈ لائن پر جاری کام میں تیزی لانے کی ہدایت
- چیمپئیز ٹرافی 2025؛ بھارتی ٹیم پاکستان نہ آئی تو آئی سی سی کا مسئلہ ہے!
- پاکستان اسٹاک ایکسچینج میں ریکارڈ ساز تیزی، انڈیکس 80 ہزار کی سطح عبور کرگیا
- گاڑی کی نمبر پلیٹ نے شہری کو 50 ہزار ڈالرز کی رقم جیتوادی
- پشاور؛ وزیر خوراک گرڈ اسٹیشن پہنچ گئے، کئی فیڈرز پر بجلی بحال کروادی
- ڈبلیو ڈبلیو ای اسٹار بھی بھارتی جیت کے دیوانے، ویڈیو وائرل
- لاہور؛ اسٹور مالک کا 9 سالہ بچے پر تشدد، چوری کے الزام پر منہ کالا کرکے برہنہ کردیا
- اسلام آباد پولیس کا انٹیلیجنس بیسڈ آپریشن، ڈیٹونیٹر اور خودکش جیکٹ برآمد
گرین پاکستان پروگرام کے تحت بھرتی سیکڑوں ملازمین کی تنخواہیں رُک گئیں
لاہور: گرین پاکستان پروگرام کے تحت محکمہ جنگلات اور جنگلی حیات میں بھرتی سیکڑوں ملازمین کی تنخواہیں رُک گئی ہیں۔
گرین پاکستان پروگرام کی مدت 30 جون 2024 کو ختم ہونے کے بعد اس پراجیکٹ کے ختم ہونے کا خدشہ پیدا ہوگیا ہے۔ پروگرام میں توسیع کے حوالے سے وفاقی حکومت ابھی تک کوئی فیصلہ نہیں کرسکی جس کی وجہ سے اس پروگرام کے تحت محکمہ جنگلات اور وائلڈلائف میں کام کرنے والے سیکڑوں ملازمین کی نوکریاں بھی ختم ہوگئی ہیں۔
گرین پاکستان اپ اسکیلنگ پروگرام وفاقی حکومت کا ایک اقدام ہے، جس پر وزارت موسمیاتی تبدیلی صوبائی محکمہ جنگلات اور جنگلی حیات کے تعاون سے کام کررہی ہے ۔10 بلین سونامی ٹری پروگرام بھی گرین پاکستان پروگرام ہی کا حصہ ہے۔ اس پراجیکٹ کے لیے 50 فیصد فنڈز وفاقی جبکہ 50 فیصد صوبائی حکومت فراہم کرتی ہے۔
پروگرام کا مقصد ملک میں جنگلات ، جنگلی حیات کا تحفظ اور ان میں اضافہ کرنا ہے۔ اس حوالے سے دونوں صوبائی محکموں نے مختلف منصوبے شروع کررکھے ہیں ۔ ان منصوبہ جات کے لیے محکمہ جنگلات اور پنجاب وائلڈلائف لائف نے کنٹریکٹ پر ملازمین بھرتی کیے تھے۔
یاد رہے کہ گرین پاکستان منصوبہ 30 جون 2023 ء کو ختم ہو گیا تھا تاہم وفاقی حکومت نے اس میں ایک سال کی توسیع کردی تھی۔ اب 30 جون 2024 ء کو اس پروگرام کی مدت پھر ختم ہوگئی ہے اور ابھی تک اس میں توسیع کے حوالے سے کوئی نوٹی فکیشن جاری نہیں کیا گیا ہے۔
پنجاب وائلڈلائف گرین پاکستان پروگرام کے ڈائریکٹر مدثر حسن نے اس بارے میں تمام اضلاع کے ڈپٹی ڈائریکٹرز کو خط لکھا ہے جس میں انہیں ہدایت کی گئی ہے کہ گرین پاکستان پروگرام کے تحت کام کرنے والے ملازمین پر واضح کردیں کہ اس پراجیکٹ میں توسیع کا ابھی تک فیصلہ نہیں ہوسکا ہے، اس بنا پر انہیں جولائی 2024 میں تنخواہوں کی ادائیگی ممکن نہیں ہوگی۔
انہوں نے مزید بتایا کہ پنجاب وائلڈلائف میں گرین پاکستان پروگرام کے تحت 269 ملازمین کام کررہے ہیں۔ گرین پاکستان پروگرام پی سی ون میں 2028 تک توسیع کے لیے وفاقی منصوبہ بندی کمیشن کو تجاویز بھیجی گئی ہیں لیکن ابھی تک ان کا کوئی جواب نہیں ملا ہے۔ مدثر حسن نے بتایا پروگرام جاری رکھنا وفاقی منصوبہ بندی کمیشن کے فیصلے سے مشروط ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔