کراچی میں پولیو کا ایک اور کیس سامنے آگیا ملک بھر میں مجموعی تعداد 63 ہو گئی

پولیو کا حالیہ کیس سامنے آنے کے بعد رواں برس سندھ میں پولیو سے متاثرہ بچوں کی تعداد 6 ہو گئی ہے۔ فوٹو؛فائل

---

شہر قائد میں پولیو کا ایک اور کیس سامنے آگیا جس کے بعد ملک بھر میں پولیو کیسز کی مجموعی تعداد 63 ہو گئی ہے۔

ایکسپریس نیوز کے مطابق کراچی کے علاقے لانڈھی میں 12 ماہ کے مراد میں پولیو وائرس کی تصدیق ہو گئی ہے جو رواں برس سندھ میں پولیو کا چھٹا اور ملک میں 63 واں کیس ہے۔ اعداد و شمار کے مطابق رواں برس اب تک فاٹا میں 48، خیبر پختونخوا میں 9 جب کہ سندھ میں پولیو وائرس کے 6 کیسز ریکارڈ ہو چکے ہیں۔ گزشتہ ماہ بھی خیبر ایجنسی کی تحصیل باڑا کے رہائشی 2 سالہ بچے میرفیاض میں پولیو وائرس کی تصدیق ہوئی تھی ۔ یوں یہ تعداد مجموعی طور پر 62 تک پہنچ گئی تھی۔

واضح رہے کہ عالمی ادارہ صحت کی جانب سے دنیا میں پولیو کے پھیلاؤ کو روکنے کے لئے پاکستانیوں کو بیرون ملک سفر کے لئے پولیو ویکسی نیشن سرٹیفیکیٹ پیش کرنے کا پابند کیا گیا ہے۔