- کراچی میں اوور لوڈ گاڑیوں کیخلاف کریک ڈاؤن
- تحریک انصاف کا آج اسلام آباد میں ہر صورت جلسہ کرنے کا فیصلہ
- پیٹرولیم ڈیلرز کی ایک روزہ ہڑتال کے بعد حکومت نے ایڈوانس ٹیکس ختم کردیا
- اے این ایف نے مختلف کارروائیوں میں 149 کلو سے زائد منشیات برآمد کرلی
- مہنگائی کی ہفتہ وار شرح میں 1.28 فیصد، سالانہ بنیاد پر 23.59 فیصد اضافہ
- برطانیہ الیکشن، پانچ فلسطین کے حامی امیدوار بھی کامیاب
- بجلی مزید مہنگی، فی یونٹ 3 روپے 32 پیسے اضافہ
- پاک امریکا تعلقات بہتری کی طرف گامزن ہیں، ڈونلڈ بلوم
- محرم میں انٹرنیٹ کی بندش؛ ابھی کوئی فیصلہ نہیں کیا، وزارت داخلہ
- محرم الحرام کا چاند دیکھنے کیلیے رویت ہلال کمیٹی کا اجلاس آج ہوگا
- ٹیسٹ کرکٹر فواد عالم کی والدہ انتقال کر گئیں
- بجلی کے شعبے کا گردشی قرضہ مئی تک 2655 ارب روپے رہا، کابینہ کمیٹی برائے توانائی
- خلائی مخلوق سے رابطہ، مریخ پر جنگ، مستقبل کے حوالے سے بابا وانگا کی پیش گوئیاں
- نیول انجنیئرنگ کالج کے طلبا نے پاکستان کی پہلی اربن الیکٹریکل کار تیار کرلی
- پرویز خٹک نے عمران خان کیخلاف گواہی دی تو صوبے میں رہنے نہیں دیں گے، گنڈا پور
- میٹا کے زیر اہتمام ذمہ دارانہ مواد کی تخلیق کیلئے کراچی میں ایونٹ کاانعقاد
- اسلام آباد: سیکیورٹی خدشات کے باعث تحریک انصاف کے جلسے کی اجازت منسوخ
- 'عزم استحکام' پر تنقید پرتشویش، ڈیجیٹل دہشت گردی ریاستی اداروں کے خلاف سازش ہے، کورکمانڈرز کانفرنس
- نقیب اللہ قتل کیس کے گواہ ملزمان سے خوفزدہ، عدالت میں پیش نہیں ہوئے
- کراچی کے دو ٹاؤنز کے افسران کرپشن کے الزام میں تحقیقاتی اداروں کے ریڈار پر آگئے
لاپتا افراد کی عدم بازیابی پر سیکریٹری دفاع سمیت افسران پر جرمانوں کیخلاف اپیلیں خارج
![(فوٹو : فائل)](https://c.express.pk/2024/07/2661585-islamabadhighcourt-1720005884-330-640x480.jpg)
(فوٹو : فائل)
اسلام آباد: لاپتہ افراد کیس میں اسلام آباد ہائی کورٹ نے شہریوں کی عدم بازیابی پر سیکریٹری دفاع، داخلہ، چیف کمشنر اور پولیس افسران پر جرمانوں کے خلاف اپیلیں خارج کر دیں۔
لاپتہ آئی ٹی ایکسپرٹ ساجد محمود، عمر عبد اللہ، مدثر نارو و دیگر کی بازیابی کیس میں سنگل بینچ کی جانب سے شہریوں کی عدم بازیابی پر سیکریٹری دفاع، داخلہ، چیف کمشنر اور پولیس افسران پر جرمانوں کے خلاف اپیلوں پر چیف جسٹس عامر فاروق اور جسٹس میاں گل حسن اورنگزیب نے سماعت کی۔
چیف جسٹس نے ایڈیشنل اٹارنی جنرل سے مکالمہ کرتے ہوئے کہا کہ جی ایڈیشنل اٹارنی جنرل صاحب کوئی خوشخبری ہے، لاپتہ افراد آگئے؟ ایڈیشنل اٹارنی جنرل نے جواب دیا کہ لاپتہ افراد کی بازیابی سے متعلق تاحال پیش رفت نہیں۔
لاپتہ شہریوں کی عدم بازیابی پر چیف جسٹس اسلام آباد ہائی کورٹ ایڈیشنل اٹارنی جنرل پر برہم ہوگئے۔
چیف جسٹس عامر فاروق نے ریمارکس دیے کہ کئی کئی سال گزر گئے ہیں، کہاں ہیں لاپتہ افراد، ہر بار آپ آکر کہہ جاتے ہیں کہ پروگریس ہو رہی ہے، کتنا وقت دیں آپ کو آپ ہر بار وقت مانگ لیتے ہیں، پہہلے کئی بار اٹارنی جنرل پیش ہو چکے، خالد جاوید خان بھی پیش ہو چکے، ہم کیا کریں پھر جو جرمانہ عائد ہوا اسے ڈبل کر دیتے ہیں، کیا کریں پھر وزیر اعظم کو بلا لیں۔
جسٹس میاں گل حسن اورنگزیب نے کہا کہ ایک کام کرتے ہیں سپریم کورٹ کو بھیج دیتے ہیں، آپ ایک کام کریں جو کام آپ نے ہمارے ساتھ کیا مہربانی کرکے آپ وہ سپریم کورٹ کے ساتھ کریں۔
وفاقی حکومت نے اسلام آباد ہائیکورٹ سے ایک ماہ کا مزید وقت دینے کی استدعا کی۔ ایڈیشنل اٹارنی جنرل نے کہا کہ ایک مہینے کا وقت دیا جائے زیادہ اچھا ہوگا۔ چیف جسٹس نے ریمارکس میں کہا کہ اسپیشل بینچ کبھی کبھی لگتا ہے ہر مرتبہ آپ کی نئی کہانی ہوتی ہے۔
جسٹس میاں گل حسن اورنگزیب نے ریمارکس میں کہا کہ آپ نے کہا تھا اپیل قابل سماعت نہیں ہے وہ کس بنیاد پر کہا آپ نے، ہمیں کوئی پروگریس ہو تو بتائیں نا کہ ہم نے یہ یہ کیا ہے، آئین کے مطابق سب کے ساتھ ایک جیسا سلوک ہونا چاہیے، مہربانی کر کے آپ نے جو ہمارے ساتھ کیا ہے وہ سپریم کورٹ کے ججز کے ساتھ بھی کریں۔
دلائل کے بعد عدالت نے افسران پر کیے گئے جرمانوں کے سنگل بینچ کے فیصلے کے خلاف وفاق کی تمام انٹرا کورٹ اپیلیں خارج کر دیں۔ چیف جسٹس اسلام آباد ہائی کورٹ نے کہا کہ وفاقی حکومت اور افسران کی انٹرا کورٹ اپیلیں خارج ہیں، رٹ پٹیشنز کی سنگل بینچ میں سماعت ہوگی۔
لاپتہ افراد کیس میں ہی عدالت نے لاپتہ ساجد محمود کی اہلیہ کی درخواست پر جسٹس اطہر من اللہ کا 2018 کا فیصلہ برقرار رکھا ہے۔
اسلام آباد ہائیکورٹ کے خصوصی بینچ نے جسٹس اطہر من اللہ کا فیصلہ برقرار رکھتے ہوئے وفاقی حکومت کی فیصلے کے خلاف اپیلیں مسترد کر دیں۔
عدالت نے 2018 کے سیکریٹری دفاع لیفٹیننٹ جنرل ریٹائرڈ ضمیر الحسن شاہ، چیف کمشنر ذوالفقار حیدر، آئی جی اسلام آباد خالد خان خٹک اور ڈپٹی کمشنر مشتاق احمد کا ایک، ایک لاکھ روپے جرمانہ بحال کر دیا۔ ایس ایچ او پولیس قیصر نیاز کو کیا گیا تین لاکھ روپے کا جرمانہ بھی بحال کر دیا گیا۔
درخواست گزار مائرہ ساجد کی جانب سے بیرسٹر عمر اعجاز گیلانی نے کیس کی پیروی کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔