اکشے کمار چھٹیاں گزارنے فیملی کے ہمراہ امریکا روانہ

میری فیملی بھی میری ترجیحات میں شامل ہے اور چھٹیاں گزار کر فلمی سیٹ پر دوبارہ لوٹوں گا، اکشے کمار فوٹو: فائل

---

ISLAMABAD: بالی ووڈ اداکار اکشے کمار نے فیملی کے ساتھ چھٹیاں گزارنے کے لیے عارضی طور پر شوبز سرگرمیوں سے وقفہ لے لیا۔

اداکار اکشے کمار کی فلم ''ہولی ڈے: آسولجر ازنیور آف ڈیوٹی'' کامیابی سے ہمکنار ہوئی ہے اور فلم نے شاندار بزنس کیا ہے۔ اداکار نے اب فلموں سے عارضی طور پر وقفہ لے لیا ہے اور وہ فیملی کے ساتھ امریکا کے شہر نیویارک سٹی میں چھٹیاں گزار رہے ہیں ۔

اداکار نے ایک مختصرگفتگو میں بتایا کہ ان کی فیملی بھی ان کی ترجیحات میں شامل ہے اور وہ چھٹیاں گزار کر فلمی سیٹ پر واپس لوٹیں گے۔ اداکار کی اگلی فلم ''ایٹس انٹرٹینمنٹ'' ہوگی۔