سلمان پرستاروں کو ملازمت دلانے میں ان کی مدد کریں گے

بالی وڈ اداکار سلمان خان اپنے پرستاروں کو ملازمت دلانے میں ان کی مدد کریں گے۔


بھارتی میڈیا کے مطابق اداکار امدادی سرگرمیوں کا اہم حصہ رہتے ہیں اورانھوں نے پرستاروں کے لیے نیا سماجی کام شروع کردیا ہے، اب وہ قابل پرستاروں کو ملازمت دلوائیں گے۔ اس مقصد کے حصول کے لیے انھوں نے ویب سائٹ بینگ ہیومن جابز ڈاٹ کام لانچ کی ہے جس کے ذریعہ ان کے مداح اپنی پسندیدہ ملازمت حاصل کریں گے لیکن ملازمت کے حصول کے لیے انھیں ملازمت کے معیار پر پورا اترنا ہوگا کیونکہ یہاں ملازمت دیانتداری اور قابلیت کے ہونے پر حاصل کی جاسکتی ہے۔

اداکار نے کہا کہ وہ بے حد خوش ہیں کہ انھوں نے نیک کام شروع کیا ہے وہ دعاگو ہیں کہ بینگ ہیومن سماجی مہم کے بینر تلے شروع کی جانے والی یہ مہم بھی کامیابی سے ہمکنار ہو تاکہ بے روزگاری کا خاتمہ ممکن ہوسکے۔