بینک یکم رمضان کو کھلے منگل کو بند رہیں گے

ہفتہ 28 اور اتوار 29 تاریخ کو نیشنل بینک کی مخصوص برانچیں ٹیکس وصولی کیلیے کھلی رہیں گی۔ فوٹو: فائل

---

بینک یکم رمضان کو پبلک ڈیلنگ کیلیے بند نہیں ہونگے، منگل کے روز مالیاتی سال کے اختتام پر کلوزنگ کے لیے بینکوں میں عوامی لین دین بند رہے گا۔

کمرشل بینک یکم رمضان کو کام کے شروع کے اوقات میں بینک زکوٰۃ منہا کریں گے اور اس دوران کیش نکلوانے یا جمع کرانے میں کچھ دشواری ہوسکتی ہے، اس کے علاوہ ہفتہ 28 اور اتوار 29 تاریخ کو نیشنل بینک کی مخصوص برانچیں ٹیکس وصولی کیلیے کھلی رہیں گی۔ اسٹیٹ بینک کے مطابق بینک نئے مالی سال کے پہلے روز یعنی یکم جولائی بروز منگل کو بند رہیں گے۔