آج کا دن کیسا رہے گا

حمل:
21مارچ تا21اپریل

قریبی رشتہ داروں کی سازشوں کا سامنا کرنا پڑ سکتا ہے اس کے باوجود آپ اپنی صلاحیتوں سے کام لے کر حالات پر کنٹرول کیجئے اور غصہ سے اجتناب برت لیں ۔

ثور:
22 اپریل تا 20 مئی

کسی صاحب حیثیت مقتدر شخصیت کے ساتھ تعلقات قائم ہو سکتے ہیں اگر اس قسم کے تعلقات پہلے ہی سے استوار ہو چکے ہیں تو پھر یہ مضبوطی اختیار کر سکتے ہیں۔

جوزا:
21 مئی تا 21جون

ذہنی طور پر آپ تھوڑے سے الجھ سکتے ہیں، فضول قسم کی سوچوں میں گم نہ رہیں ورنہ کاروبار زوال پذیر ہو سکتا ہے۔ ملازمت کے سلسلے میں الجھنیں ختم ہو سکتی ہے۔

سرطان:
22جون تا23جولائی

مخالفین کے ساتھ نہ الجھیں بلکہ کوشش کریں کہ معاملات صلح و صفائی کے ساتھ ہی طے پا جائیں کیونکہ مقدمہ بازی کرنا کسی بھی لحاظ سے آپ کے لئے فائدہ مند نہ ہو سکے گا۔

اسد:
24جولائی تا23اگست

سیاست سے وابستہ افراد اہم امور طے کرنے میں ناکام رہیں گے اہم پارٹنر کے ساتھ معاہدے طے نہ پا سکیں گے جس کے سبب آپ کی طبیعت بوجھل رہے گی۔

سنبلہ:
24اگست تا23ستمبر

اپنے مزاج پر کنٹرول کریں یہ جذبات آپ کے لئے نقصان دہ ثابت ہو سکتے ہیں، کاروبار میں کسی قسم کی تبدیلی نہ کریں۔منگنی یا شادی کا امکان ہے۔

میزان:
24ستمبر تا23اکتوبر

مایوسی کے خود ساختہ خول سے باہر آ کر دیکھیں ایک نئی دنیا آپ کی منتظر ہے ۔ آج کے دن کاروباری سلسلے میں کیا جانے والا سفر فائدہ مند ثابت ہو گا۔

عقرب:
24اکتوبر تا22نومبر

جانے انجانے میں اگر آپ کسی کا دل دکھا چکے ہیں تو اس سے معافی مانگ لیجئے یہی بہتر ہے کوئی دیرینہ آرزو پوری ہونے کے امکان روشن ہیں۔

قوس:
23نومبر تا22دسمبر

مایوسی کے اندھیرے اجالوں کی دبیز چادر تلے دم توڑ سکتے ہیں بس ضرورت اس بات کی ہے کہ اپنی سوچ کا انداز بدل دیجئے اور پھر دیکھیں ہر مسئلہ بفضل خدا حل ہوتا چلا جائے گا۔

جدی:
23دسمبر تا20جنوری

ان لوگوں سے آپ کو نقصان پہنچ سکتا ہے جن پر آپ آنکھیں بند کر کے اعتبار کر لیتے ہیں۔ ہوشیار رہیں رہائش کی جانب سے پریشانی لاحق ہو سکتی ہے۔

دلو:
21جنوری تا19فروری

اگر آپ سیاستدان ہیں تو پھر فوری طور پر خود کو بدلنے کی کوشش کیجئے ورنہ حالات آپ کو ایسے چوراہے پر لا کھڑا کر دیں گے جہاں سے کوئی راستہ بلندی کی طرف نہیں جاتا۔

حوت:
20 فروری تا 20 مارچ

کوئی انعام وغیرہ نکل سکتا ہے کوئی انعامی بانڈ بھی لگ سکتا ہے البتہ عشق و محبت کے معاملات میں کامیابی کی امید ہرگز نہیں ہے۔