حارث رؤف سے بدتمیزی کرنے والے مداح کو چھوڑیں گے نہیں

جلدی پاکستان آئیں ایف آئی اے مداح کا استقبال کرے گی

ویب ڈیسک July 04, 2024

جلدی پاکستان آئیں ایف آئی اے مداح کا استقبال کرے گی (فوٹو: ویڈیو گریب)

پاکستان کرکٹ بورڈ (پی سی بی) چیئرمین محسن نقوی کا کہنا ہے کہ امریکا میں آئی سی سی ورلڈکپ کے دوران فاسٹ بولر حارث رؤف سے بدتمیزی کرنے والے شائق کو چھوڑیں گے نہیں۔

چیئرمین پی سی بی نے کہا کہ ملک یا بیرون ملک کسی کو اجازت نہیں کہ وہ انٹرنیشنل پلئیرز کیساتھ ناروا سلوک اپنائے، بدتمیزی کرنے والے کو دعوت دیتا ہوں کہ جلدی پاکستان آئیں ایف آئی اے انکا استقبال کرے گی۔

خیال رہے کہ ٹی20 ورلڈکپ میں ناقص کارکردگی پر قومی ٹیم کے ایک مداح نے فاسٹ بالر حارث رؤف کو اہلیہ کیساتھ جاتے ہوئے نازیبا الفاظ کا انتخاب کیا تھا جس پر کرکٹر سے تلخ کلامی ہوئی تھی اور بات ہاتھا پائی تک جاپہنچی تھی۔

مزید پڑھیں: "ناقص پرفارمنس؛ ٹیسٹ سیریز سے پہلے کسی لیگز کیلئے کوئی این او سی نہیں"

رپورٹس میں کہا گیا تھا کہ فین نے حارث رؤف سے سیلفی کی درخواست کرتے ہوئے تنقید بھی کی تھی جس پر حارث رؤف غصے میں آئے اور مداح کو مارنے کیلئے دوڑے تھے، جس پر وہاں پہنچنے لوگوں نے بیچ پچاؤ کروایا تھا۔