اننت امبانی کی شادی میں پرفارمنس کیلئے جسٹن بیبر کی ممبئی آمد

 ممبئی: ایشیا کے امیر ترین شخص بھارتی بزنس ٹائیکون مکیش امبانی کے بیٹے اننت امبانی کی شادی میں پرفارم کرنے کے لیے عالمی شہرت یافتہ کینیڈین پاپ اسٹار جسٹن بیبر بھارت پہنچ گئے۔

بھارتی میڈیا کے مطابق پاپ اسٹار جسٹن بیبر آج یعنی 4 جولائی کی صبح ممبئی پہنچے ہیں، وہ اننت امبانی اور رادھیکا مرچنٹ کی سب سے بڑی اور مہنگی ترین شادی میں پرفارم کریں گے۔

رپورٹ میں بتایا گیا کہ 5 جولائی کو اننت امبانی اور رادھیکا مرچنٹ کے سنگیت کی تقریب منعقد ہوگی جس میں جسٹن بیبر اپنی شاندار پرفارمنس کا جادو دکھائیں گے۔

مزید پڑھیں: امبانی کی شادی میں پاکستانی ڈیزائنرز کے ملبوسات پہننے والے بالی ووڈ اسٹارز

کہا جارہا ہے کہ جسٹن بیبر کے علاوہ بھی دیگر بین الاقوامی گلوکار شادی کی تقریب میں پرفارم کریں گے جن میں برطانوی گلوکارہ اڈیل، کینیڈین ریپر ڈریک اور امریکی گلوکارہ لانا ڈیل رے شامل ہیں۔

بھارتی میڈیا کا کہنا ہے کہ اننت امبانی اور رادھیکا مرچنٹ کی شادی 12 جولائی کو ہوگی جبکہ اس جوڑے کی شادی کی تقریبات کا سلسلہ 14 جولائی تک جاری رہے گا۔

View this post on Instagram

A post shared by Viral Bhayani (@viralbhayani)

واضح رہے کہ رواں سال مارچ میں مکیش امبانی نے اپنے سب سے چھوٹے بیٹے اننت امبانی اور اُن کی منگیتر رادھیکا مرچنٹ کے لیے تین روزہ  پری ویڈنگ تقریبات کا انعقاد کیا تھا، یہ تمام تقریبات بھارتی ریاست گجرات کے شہر جام نگر میں منعقد ہوئی تھیں۔

مزید پڑھیں: اننت امبانی کی شادی کیلئے امریکی گلوکارہ ریانا کتنا معاوضہ لیں گی؟

اننت امبانی اور رادھیکا مرچنٹ کی پری ویڈنگ تقریبات میں دنیا بھر کی چند بااثر شخصیات اور نامور بالی ووڈ ستاروں نے شرکت کی تھی جن میں سماجی، سیاست، کاروباری، شوبز اور کھیلوں کی دنیا کی معروف شخصیات شامل تھیں

مزید پڑھیں: اننت امبانی کی پری ویڈنگ تقریب میں عاطف اسلم اور اہلیہ کی شرکت

اس کے علاوہ اننت امبانی اور رادھیکا مرچنٹ کی شادی کا دوسرا جشن 29 مئی سے یکم جون تک اٹلی اور جنوبی فرانس میں کروز پر منایا گیا تھا جبکہ امبانی خاندان نے اننت اور رادھیکا کی شادی سے قبل 50 غریب جوڑوں کی شادی بھی کروائی۔