بین الاقوامی مالیاتی فنڈ کے ایگزیکٹوبورڈ نے پاکستان کے لیے 55کروڑ ڈالرقرضے کی اگلی قسط کی منظوری دے دی ہے۔

اس ضمن میں وزارت خزانہ کے ذرائع نے بتایاکہ بین الاقوامی مالیاتی فنڈ کے ایگزیکٹوبورڈ اجلاس میں پاکستان کی اقتصادی کارکردگی کے جائزے کے حوالے سے رپورٹ پیش کی گئی جس کاتفصیلی جائزہ لینے کے بعدآئی ایم ایف بورڈنے پاکستان کے اقتصادی جائزے کی منظوری دی۔ ذرائع کے مطابق آئی ایم ایف بورڈکی طرف سے پاکستان کے لیے منظورکیے جانے والے قرضے کی یہ رقم 30جون تک پاکستان کومل جائے گی جس کے بعدپاکستان کے زرمبادلہ کے ذخائرمیں مزیداضافہ ہوجائے گا۔