پولیس نے سرعام اسلحہ لہرانے والے 2 ملزمان کو گرفتار کرکے رائفل سمیت دیگر ہتھیار برآمد کرلیے۔
ترجمان کے مطابق چوکی ہلوکی پولیس نے دوران گشت ولینشیا ٹاؤن میں شاہراہ عام پر ڈالہ پر سرعام اسلحہ کی نمائش کرتے 2 ملزمان کو گرفتار کرلیا۔
گرفتار کیے گئے ملزمان احمد اور آصف سے رائفل، 2 پستول، میگزینز اور درجنوں گولیاں برآمد کرکے واقعے کا مقدمہ درج کرلیا گیا ہے۔ پولیس نے ملزمان کے زیر استعمال گاڑی بھی تحویل میں لے لی ہے۔
ایس پی اخلاق احمد تارڑ کا کہنا ہے کہ اسلحہ کی نمائش اور ہوائی فائرنگ پر پابندی ہے، جس کی ملزمان خلاف ورزی کررہے تھے۔