- ہوائی جہاز میں غیرمعمولی مقام پر بنے باتھ رومز نے سب کو حیران کردیا
- مناواں: حاملہ خاتون کی پراسرار ہلاکت پر شوہر نے ساس، سسر اور سالے پر مقدمہ درج کرادیا
- مصنوعی مریخ پر 1 سال سے رہائش پذیر ناسا کے رضاکار واپس آگئے
- وزیر داخلہ نے پروٹیکٹڈ صارفین کو ریلیف دینے کیلیے تمام ڈسکوز کا ڈیٹا طلب کرلیا
- پارکنسنز بیماری کیا ہے؟ خوراک، ورزش سے اسے کیسے بہتر کیا جاسکتا ہے؟
- امریکا میں بچوں کی شرح اموات میں اضافہ
- بل ادائیگی والے علاقوں میں 12 گھنٹے لوڈشیڈنگ پر کے الیکٹرک، نیپرا کو نوٹس
- انٹرنیٹ پر خشکی سے چھٹکارا پانے کا انوکھا طریقہ وائرل
- گوجرانولہ: طالبات کی فحش ویڈیوز کے وائرل ہونے پر وین ڈرائیور گرفتار
- انڈونیشیا میں مٹی کا تودہ سونے کی کان پر گر گیا؛ 12 ہلاک اور 18 لاپتا
- سونے کی عالمی اور مقامی مارکیٹوں میں قیمت کم ہو گئی
- سیاسی عدم استحکام کے باعث معاشی مشکلات کا سامنا ہے، احسن اقبال
- فارم 47 کیا چیز ہے، قانون میں اس کیلئے کیا لفظ استعمال کیا گیا؟ چیف جسٹس
- علی رضا کے قتل کو فرقہ وارانہ تناظر میں بھی دیکھ رہے ہیں، وزیر داخلہ سندھ
- الیکشن ٹریبیونلز؛ چیف جسٹس لاہور ہائیکورٹ اور الیکشن کمیشن جلدازجلد بامعنی مشاورت کریں، سپریم کورٹ
- ممبئی میں 600 ملی میٹر بارش؛ سیلابی ریلے نے تباہی مچا دی، پروازیں منسوخ اور اسکول بند
- کراچی میں گرمی کی شدت کے سبب جِلدی امراض میں اضافہ
- مشتاق احمد کا انگلینڈ کرکٹ اینڈ ویلز بورڈ سے معاہدہ ہوگیا
- انسداد دہشتگردی عدالت میں ضمانت کی درخواست، بانی پی ٹی آئی پر فرد جرم 29 جولائی کو عائد ہوگی
- شاہ محمود اڈیالہ جیل سے کوٹ لکھپت جیل لاہور منتقل
کلفٹن ڈرائیونگ لائسنس برانچ میں چوری کا ملزم اور تین دکان دار گرفتار
![(فوٹو : فائل)](https://c.express.pk/2024/07/2662745-drivingliscencebranchclifton-1720177166-737-640x480.jpg)
(فوٹو : فائل)
کراچی: کلفٹن ڈرائیونگ لائسنس برانچ میں چوری کی واردات میں ملوث مرکزی ملزم اور تین دکان داروں کو گرفتار کرکے سامان برآمد کرلیا گیا۔
ایس پی کلفٹن ڈاکٹر عذیر احمد نے اپنے دفتر میں پریس کانفرنس کرتے ہوئے بتایا کہ 27 جون کو کلفٹن ڈرائیونگ لائسنس برانچ میں چوری کی واردات رپورٹ ہوئی تھی، واردات کے دوران برانچ کے کمپیوٹرز سے ہارڈ ڈرائیو، ریم، پراسیسر اور لیپ ٹاپ چوری کیا گیا تھا، ملزم نے سب سے پہلے سی سی ٹی وی ریکارڈنگ روم سے سسٹم کو منقطع کردیا تھا اوراس کے بعد واردات انجام دی۔
ایس پی نے بتایا کہ ابتداء میں شبہ تھا کہ برانچ کا کوئی فرد ملوث ہے، انکوائری شروع کی گئی اور ڈرائیونگ لائسنس برانچ کے 80 ملازمین کے فنگر پرنٹس بھی لیے گئے، جیوفینسنگ بھی کی گئی، ملزم کی جانب سے سی سی ٹی وی کیمروں کو منقطع کرنے کی وجہ سے سی سی ٹی وی ریکارڈنگ محفوظ نہیں ہوسکی تھی لیکن نیٹ ورک ریکارڈنگ سی سی ٹی وی فوٹیج پولیس کومل گئی جس میں حسن ولد محمد فاروق نامی ملزم کی حرکات مشکوک لگیں، ملزم نے ڈرائیونگ لائسنس برانچ میں رنگ کا کام کیا تھا اس لیے ملزم ہر چیز سے واقف تھا، ملزم کو کمپیوٹر کے حوالے سے بھی معلومات تھیں۔
انھوں نے بتایا کہ ملزم کافی دنوں سے چوری کا منصوبہ بنا رہا تھا، ملزم نے پہلے اپنے ایک ساتھی کے ساتھ منصوبہ بنایا لیکن 27 جون کو ملزم نے تنہا واردات انجام دی، پولیس نے ملزم کو گرفتار کرکے چوری کیا جانے والا لیپ ٹاپ کمپیوٹر، کئی پراسیسر، ہارڈ ڈسک اور ریم برآمد کرلی ہیں۔ برآمد شدہ سامان کی مالیت 10 لاکھ روپے ہے۔
ایس پی نے بتایا کہ ملزم نے چوری کیا جانے والا سامان صدر میں دکان داروں کو دو لاکھ روپے میں فروخت کردیا تھا، پولیس نے ان تین دکان داروں کو بھی گرفتار کرلیا ہے جنہوں نے چوری کا سامان بغیر کسی تصدیق کے خریدا، پولیس کے لیے برآمد سامان بہت اہم تھا، ڈرائیونگ لائسنس برانچ کا ڈیٹا بیس سی پی او میں ریکارڈ ہوتا ہے، ڈیٹا ان ڈیوائسز میں نہیں تھا، واردات ڈرائیونگ لائسنس کی سیکیورٹی کی ناکامی ہے اور اس حوالے سے انکوائری چل رہی ہے جو قصور ہوا اس کے خلاف محکمانہ ایکشن لیا جائے گا۔
ایس ایس پی کے مطابق گرفتار ملزم نے 60 ہزار روپے والی ہارڈ ڈسک 10 ہزار روپے میں دکان داروں کو فروخت کی تھی، گرفتار ملزم کم پڑھا لکھا تھا لیکن ملزم نے کمپیوٹر سے متعلق معلومات یوٹیوب کے ذریعے حاصل کی اور ملزم کو معلوم ہے کون سی ریم یا ہارڈ ڈسک کی کیا اہمیت ہے۔
ایس ایس پی نے بتایا کہ گرفتار ملزم ماضی میں مختلف پولیس تھانوں میں رنگ کا کام کرتا رہا ہے، پہلی واردات بلال کالونی تھانے میں کوشش کی تھی لیکن ملزم نے چوری کیا جانے والا سامان وہیں چھوڑ دیا تھا، اس لیے کسی کو واردات سے متعلق علم نہیں ہوا تھا، گرفتار ملزم سے مزید تفتیش جاری ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔