- گورنرسندھ کا طلبا کیلیے اسکالر شپ پروگرام شروع کرنے کا اعلان
- ذوالفقار علی بھٹو معصوم تھے، انہیں غیر آئینی عدالت نے سزا دی، سپریم کورٹ
- لاہور؛ نولکھا پریسبیٹیرین چرچ میں نشست برائے بین المذاہب ہم آہنگی و یکجہتی کا اہتمام
- بحرین میں مینیجر کی چوری کے الزام میں گرفتاری پر پی آئی اے کا ردعمل
- نومنتخب برطانوی وزیراعظم کی نیتن یاہو سے پہلی گفتگو؛ غزہ میں جنگ بندی کا مطالبہ
- وزیر اعلیٰ خیبرپختونخوا کا شہید پولیو ورکرز کے لواحقین کو پلاٹ دینے کا اعلان
- اسٹاک ایکسچینج میں آتشزدگی پر رپورٹ طلب
- کراچی کے مضافاتی علاقوں میں بارش، اندرون شہرحبس میں اضافہ
- دہشت گردی کے مسائل دورہ افغانستان یا چائے کا کپ پینے سے حل نہیں ہوتے، بلاول بھٹو
- روس کے یوکرین پر دن دیہاڑے میزائل اور ڈرونز حملے، 29 شہری ہلاک
- برطانیہ کی نئی خاتون اوّل پولش نژاد یہودی وکیل ہیں
- انٹربینک مارکیٹ میں ڈالر کی قدر میں اضافے کا رجحان
- جسٹس طارق کیخلاف سوشل میڈیا مہم پر توہین عدالت کی کارروائی شروع
- عمران خان نے بھوک ہڑتال کی تو پوری دنیا میں بھوک ہڑتال ہوگی، وزیراعلیٰ کے پی
- آذربائیجان کے صدر 12 جولائی کو پاکستان کے ایک روزہ دورے پرپہنچیں گے
- کے الیکٹرک سروس ڈیلیوری کو بہتر بنانے پر توجہ دے، وزیرخزانہ
- دہشت گردی مقدمات، وزیراعلیٰ گنڈا پور پر 29 جولائی کو فرد جرم عائد ہوگی
- بھارتی بارڈر سیکیورٹی فورس کی اکیڈمی سے خواتین ٹرینرز ایک ماہ سے لاپتا
- شاہ محمود اڈیالہ سے کوٹ لکھپت لاہور اور پھر اڈیالہ جیل منتقل
- ڈی ایس پی سی ٹی ڈی وادی حسین قبرستان میں سپرد خاک
پیٹرولیم ڈیلرز کا ہڑتال فوری طور پر مؤخر کرنے کا اعلان
![چیئرمین پیٹرولیم ایسوسی ایشن نے بتایا کہ ایک روزہ ہڑتال کامیاب رہی—فوٹو: فائل](https://c.express.pk/2024/07/2662889-image-1720188787-393-640x480.jpg)
چیئرمین پیٹرولیم ایسوسی ایشن نے بتایا کہ ایک روزہ ہڑتال کامیاب رہی—فوٹو: فائل
کراچی: پاکستان پیٹرولیم ڈیلرز ایسوسی ایشن نے ملک بھر میں پیٹرول پمپس پر جاری ہڑتال فوری طور پر مؤخر کرنے کا اعلان کردیا۔
کراچی میں پاکستان پیٹرولیم ڈیلرز ایسوسی ایشن کے چئیرمین عبدالسمیع خان نے دیگر عہدیداروں کے ہمراہ پریس کانفرنس کرتے ہوئے کہا کہ پاکستان پیٹرولیم ڈیلرز ایسوسی ایشن نے فوری طور پر ہڑتال مؤخر کرنے کا اعلان کردیا ہے۔
ان کا کہنا تھا کہ شمالی علاقہ جات پر سیاحوں کے پھنسنے کے باعث فوری فیصلہ کیا گیا ہے، ہماری آج کی ایک روزہ ہڑتال کامیاب رہی ہے، لوگوں کو تکلیف ہورہی ہے کیونکہ موٹر سائیکل والے چل نہیں سکتے۔
انہوں نے کہا کہ مالا کنڈ، سوات اور ہزارہ میں سیاح گئے ہوئے ہیں، اس لیے ہڑتال ختم کر رہے ہیں، ہڑتال آسان نہیں تھی کیونکہ پوری حکومت اس ہڑتال کے خلاف تھی۔
پریس کانفرنس کے دوران انہوں نے کہا کہ اس وقت ہم فوری طور پر ہڑتال کی کال واپس لے رہے ہیں، ہڑتال صرف ملتوی کردہ گئی ہے، ختم نہیں کیا، ہزارہ ڈویژن، پنجاب اور مالاکنڈ میں ڈی سی اور اے سیز نے ڈیلرز کو بلا کر دھمکیاں دیں اور کمزور دل کے ڈیلرز ان کا حکم مان گئے۔
انہوں نے کہا کہ مالاکنڈ، سوات کے علاقوں میں دو دو فرلانگ گاڑیوں کی قطاریں لگی ہوئی ہیں، یہ وہ لوگ ہیں جو سیاح ہیں، ہم ہڑتال ملتوی کررہے ہیں، منسوخ نہیں کر رہے، وزارتِ پٹرولیم نے کمپنیوں سے کہا کہ ڈیلرز کہ ساتھ سختی کریں کہ وہ ہڑتال نہ کریں۔
ان کا کہنا تھا کہ مجھے امید ہے آئندہ ہم جو ایکشن لیں گے اس میں آپ ہمارا ساتھ دیں گے، نہیں تو کچھ ڈیلر اسمگلڈ پٹرول خریدیں گے، ملک میں اب اسمگل پیٹرول کی فروخت زیادہ ہونے کا امکان ہے، حکومت نے ڈبل ٹیکسیشن کی ہے۔
چیئرمین پیٹرولیم ایسوسی ایشن نے کہا کہ ہم نے 4 ڈیلرز کو ایسوسی ایشن سے نکال دیا ہے، حکومت نے آنکھیں بند کرکے ٹیکس لگا دیا، ہمیشہ بجٹ بنانے سے پہلے ہمیں بلایا جاتا تھا جبکہ ہم نے وزیرِ خزانہ، چیئرمین ایف بی آر اور دیگر حکام سے ملاقاتیں کیں تو وہ خاموش ہی رہے، حکومت کے طے کردہ نرخ سے ہم ایک پیسہ نہیں بڑھا سکتے ہیں۔
عبدالسمیع خان نے کہا کہ ہم خاموش نہیں بیٹھیں گے، مطالبہ تسلیم نہ ہونے پر اسلام آباد کا گھیراؤ بھی کریں گے، ڈیلرز سے 0.5 فیصد ٹیکس عائد کرکے ان سے اوسطا فروخت پر 10 لاکھ روپے ٹیکس وصول کیا جائے گا، ڈیلرز کی خرید و فروخت مکمل دستاویزی ہے۔
خیال رہے کہ پٹرولیم ڈیلرز کی جانب سے ملک گیر ہڑتال کے اگلے لائحہ عمل کے لیے ایسوسی ایشن کا ہنگامی اجلاس طلب کرلیا گیا تھا جہاں فوری طور پر ہڑتال مؤخر کرنے کا فیصلہ کیا گیا۔
عبدالسمیع خان نے اس حوالے سے بیان میں کہا تھا کہ کراچی میں 525 سے زائد پیٹرول پمپس ہیں، تقریباً 20 پمپس کمپنی آپریٹڈ ہیں اور 30 سے 35 کمپنیوں نے اپنے ڈیلرز کو دیے ہیں۔
انہوں نے دعویٰ کیا تھا کہ شہر میں ڈیلرز کے پمپس بند ہیں، صرف کمپنی آپریٹڈ یا کمپنیوں کے اپنے ڈیلرز کے پیٹرول پمپ کھلے ہیں اور کراچی میں یومیہ 35 سے 40 لاکھ لیٹر پیٹرول اور ڈیزل فروخت ہوتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔