- آئی پی پیز کا ملکی معیشت کی تباہی میں بنیادی کردار ہے، زاہد حسین
- 50 ارب روپے میں بننے والے آئی پی پی کو 400 ارب کی ادائیگی ہوچکی، ایف پی سی سی آئی
- عمران خان اور وکلا کی ملاقاتوں میں رکاوٹیں برداشت نہیں کرینگے، عدالت کا تحریری حکم
- بنوں امن مارچ میں مسلح لوگ شامل تھے، فوج نے بالکل درست ردعمل دیا، ترجمان پاک فوج
- پیرس اولمپک؛ کھیلوں کے مقابلے افتتاح سے قبل بدھ کو شروع ہوجائیں گے
- بیٹے کی شادی کے دوران مکیش امبانی کی دولت میں 3 ارب ڈالرز اضافہ
- 37 ہزار کا روبوٹ 4 لاکھ ڈالر میں خریدنے کیخلاف درخواست پر سندھ حکومت کو نوٹس
- لڑکی کپڑے دھوتے ہوئے پاؤں پھسلنے سے جوہڑ میں ڈوب گئی
- کراچی کے مختلف علاقوں میں بارش شروع، گرمی کی شدت برقرار
- راولپنڈی: ایس ایچ او کا احسن اقدام، بجلی کے بل سے پریشان شہری کو مجرم بننے سے بچالیا
- پنجاب اسمبلی کا مرکزی داخلی راستہ بند، پولیس کے اپوزیشن سے مذاکرات جاری
- کراچی؛ گھر میں چوری کی واردات، ملزمان فریج میں رکھا گوشت بھی لے گئے
- بڈھ بیر؛ 8 افراد کے قتل کے 3 ملزمان ضمانت خارج ہونے پر عدالت سے گرفتار
- سوڈان؛ خواتین خوراک کے بدلے فوجیوں کیساتھ جنسی تعلق قائم کرنے پر مجبور
- سرمایہ کاری اور حکومتی اداروں کی استعداد میں بہتری کیلیے عالمی فرم کی خدمات حاصل
- لگتا ہے 9 مئی مقدمات میں مجھے ملٹری جیل بھیجا جائے گا، عمران خان
- بنوں واقعے کو بنیاد بناکر پی ٹی آئی پر پابندی لگانے کا جواز پیدا کیا جا رہا ہے، اسد قیصر
- چیف جسٹس لاہور ہائیکورٹ اور چیف الیکشن کمشنر میں مشاورت کیخلاف پی ٹی آئی کی درخواست
- 190 ملین پاؤنڈ ریفرنس، پرویز خٹک اور زبیدہ جلال پر جرح مکمل
- شمالی وزیرستان میں سرکاری گرلز اسکول کو دھماکا خیز مواد سے اُڑا دیا گیا
انتخابی عذرداری کیس؛ قاسم سوری کی جائیدادوں کی تفصیلات طلب
![(فوٹو: قومی اسمبلی)](https://c.express.pk/2024/07/2664639-qasimsuri-1720507103-393-640x480.jpg)
(فوٹو: قومی اسمبلی)
اسلام آباد: انتخابی عذرداری کیس میں سپریم کورٹ نے سابق ڈپٹی اسپیکر قاسم سوری کی جائیدادوں کی تفصیلات طلب کرلی۔
سپریم کورٹ نے وفاقی و بلوچستان حکومت کو قاسم سوری کی جائیداد رپورٹ کے معاملے پر نوٹس جاری کرتے ہوئے ایف آئی اے سے رپورٹ طلب کرلی۔
عدالتی حکم نامے کے مطابق وفاقی حکومت اور ایف آئی اے بتائے قاسم سوری کہاں پر ہے، بلوچستان حکومت قاسم سوری کی جائیدادوں کی رپورٹ پیش کرے کیونکہ قاسم سوری عدالتی حکم باوجود پھر پیش نہیں ہوئے۔
قبل ازیں، چیف جسٹس قاضی فائز عیسیٰ کی سربراہی میں چار رکنی لارجر بینچ نے کیس کی سماعت کی۔
دوران سماعت، وکیل نعیم بخاری نے کہا کہ قاسم سوری کے ساتھ میرا کوئی رابطہ نہیں۔ چیف جسٹس نے ریمارکس دیے کہ قاسم سوری سپریم کورٹ سے حکم امتناع لیکر بیٹھ گئے، کیا حکم امتناع کے بعد کیس نہیں چلے گا، قاسم سوری نے حکم امتناع پر غیر آئینی اقدام کیا اور ایک قرارداد کو جواز بنا کر عدم اعتماد کی تحریک کو مسترد کر دیا۔
قاسم سوری کے وکیل نعیم بخاری نے معاملہ پر از خود نوٹس لینے کی استدعا کی۔ وکیل نعیم بخاری نے کہا کہ عدالت قاسم سوری کی اپیل مسترد کرکے عدم حاضری کا از خود نوٹس لے، مجھے عدالت سے جانے کا حکم دیا جائے۔
چیف جسٹس نے نعیم بخاری سے مکالمہ کرتے ہوئے کہا کہ آپ کو عدالت سے جانے کا کیوں کہہ دیں، اتنی خوبصورت شخصیت کو جانے کا کیسے کہہ دے۔ وکیل نعیم بخاری نے کہا کہ مجھے پتہ ہوتا تو میں تو میک اَپ کرکے آتا، چیف جسٹس نے ریمارکس میں کہا کہ آپ کی ایک بات مجھے پسند ہے آپ ہر وقت مسکراتے رہتے ہیں۔
چیف جسٹس نے کہا کہ قاسم سوری کی پھر جائیداد کی تفصیلات منگوا لیتے ہیں، جس پر وکیل نعیم بخاری نے کہا کہ پراپرٹی کی تفصیلات منگوانے پر تو مردہ بھی قبر سے پیش ہو جاتا ہے۔
جسٹس مسرت ہلالی نے سوال کیا کہ قاسم سوری عدالت سے کیوں بھاگ رہے ہیں، جس پر وکیل نعیم بخاری نے جواب دیا کہ مجھے کیا پتہ میرا تو قاسم سوری سے کوئی رابطہ نہیں۔ جسٹس مسرت ہلالی نے کہا کہ آپ اپنے موکل کو پیغام تو چھوڑ سکتے ہیں۔
چیف جسٹس نے ریمارکس دیے کہ قاسم سوری کی قومی اسمبلی معیاد کی مدت پوری ہوگئی، مدت پوری ہوگئی لیکن سپریم کورٹ سے کیس کا فیصلہ نہیں ہوا۔
عدالت نے وفاقی اور صوبائی حکومت کو نوٹس کرکے سماعت غیر معینہ مدت تک ملتوی کر دی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔