پنجاب آرٹس کونسل  کی رپورٹ پر شیخوپورہ میں 3 تھیٹرز سیل    

شیخو پورہ: ڈپٹی کمشنر شیخوپورہ نے آرٹس کونسل کی روپورٹ پر تین تھیٹرز سیل کرنے کا حکم دے دیا۔

سیل ہونے والے تھیٹرز میں سنگم تھیٹر, ورثہ تھیٹر اور صنم تھیٹر شامل ہیں۔ ان تینوں  تھیٹرز میں فحاشی و عریانی پر مبنی رقص پیش کیا جا رہا تھا۔

ایگزیکیٹو ڈائریکٹر پنجاب آرٹس کونسل کا کہنا ہے کہ فحاشی و عریانی پر مبنی ڈرامے اور رقص کی کی اب کوئی گنجائش نہیں۔ پنجاب میں فحاشی پھیلانے والے عناصر کے خلاف مہم جاری رہے گی۔

مزید پڑھیں: پنجاب آرٹس کونسل کا شیخوپورہ کے تھیٹرز میں فحش حرکات کا نوٹس

پنجاب آرٹس کونسل نے شیخوپورہ کے تھیٹرز میں فحش حرکات کا نوٹس لیتے ہوئے ڈپٹی کمشنر شیخوپورہ کو 2 جولائی کو لکھے گئے خط میں شمع تھیٹر، گلستان تھیٹر اور ورثہ تھیٹر کے خلاف کارروائی کا کہا تھا۔