کراچی میں شدید حبس اور گرمی کے بعد موسلادھار بارش، موسم خوشگوار

  کراچی: شہر قائد میں مون سون کی بارشوں کا آغاز ہوگیا۔

محکمہ موسمیات کے مطابق گلستان جوہر، گلشن اقبال، شاہراہ فیصل سمیت شہر بھر میں تیز بارش شروع ہوگئی۔

مطلع ابر آلود ہونے کے ساتھ ساتھ ہوائیں بھی چلنے لگیں جس سے موسم خوشگوار ہوگیا اور گرمی کی شدت میں کمی آگئی۔

بارش کے باعث 200 سے زائد فیڈرز ٹرپ کرگئے اور کئی علاقوں میں بجلی کی فراہمی معطل ہوگئی جس کے نتیجے میں شہریوں کو شدید مشکلات کا سامنا کرنا پڑا۔

نکاسی آب کے ناقص انتظامات کی وجہ سے کئی علاقوں میں سڑکیں اور گلیاں زیر آب آگئیں۔ نشیبی علاقوں میں بھی پانی کھڑا ہونے سے لوگوں کو آمد و رفت میں دشواری پیش آئی۔