سونے کی عالمی اور مقامی مارکیٹوں میں 2 روز کمی کے بعد قیمت میں اضافہ ہوگیا

سونے کی عالمی اور مقامی مارکیٹوں میں 2 دن قیمت کم ہونے کے بعد آج بدھ کے روز قیمت میں اضافہ ہوگیا۔

بین الاقوامی بلین مارکیٹ میں فی اونس سونے کی قیمت میں 10ڈالر کا اضافہ ہوگیا، جس سے نئی عالمی قیمت 2372ڈالر کی سطح پر آگئی ۔

دوسری جانب مقامی صرافہ بازاروں میں 24 قیراط کے حامل فی تولہ سونے کی قیمت میں 600روپے کا اضافہ ہونے سے نئی قیمت بڑھ کر 245600 روپے کی سطح پر آگئی۔ اسی طرح فی 10 گرام سونے کی قیمت 514روپے بڑھ کر 210562روپے کی سطح پر آگئی۔

یہ خبر بھی پڑھیں: سونے کی عالمی اور مقامی مارکیٹوں میں قیمت آج مسلسل دوسرے دن کم ہو گئی

ملک میں سونے کی قیمت میں اضافے کے برعکس فی تولہ چاندی کی قیمت بغیر کسی تبدیلی کے 2900روپے اور فی 10 گرام چاندی کی قیمت بھی بغیر کسی تبدیلی کے 2486.28روپے کی سطح پر مستحکم رہی۔ بلین مارکیٹ کے نمائندوں کا کہنا ہے کہ سونے کی گھٹی ہوئی خریداری سرگرمیوں کے باعث مقامی صرافہ مارکیٹوں میں فی تولہ سونے کی قیمت کا تعین 2500روپے انڈرکاسٹ کیا گیا ہے۔

واضح رہے کہ گزشتہ دو دنوں کے دوران سونے کی قیمتوں میں کمی کا رجحان رہا تھا۔