- 126 ممالک کے تاجروں، سیاحوں کو آن لائن ویزا اور فیس سے مستثنیٰ قرار دیا گیا ہے، وزیراعظم
- کوچنگ سینٹر کے بیسمنٹ میں بارش کا پانی بھرنے سے 3 بھارتی طلبا ڈوب کر ہلاک
- ایف آئی اے کی کارروائیاں؛ جعلی ویزوں کے حامل 4 مسافر گرفتار
- مفتاح اسماعیل کا کے-الیکٹرک کے خلاف پٹیشن دائر کرنے کا اعلان
- جماعت اسلامی نے 10 مطالبات ہمارے سامنے رکھے ہیں، وزیراطلاعات
- بھارت کو شکست دیکر سری لنکا نے پہلا ویمنز ایشیا کپ جیت لیا
- درست ترین پیشن گوئیاں کرنے والی نجومی نے نئے امریکی صدر کا نام بتا دیا
- اراکین پارلیمنٹ، بیوروکریٹس کو مفت بجلی نہیں دی جاتی، پاور ڈویژن
- کراچی سمیت سندھ کے مختلف اضلاع میں پیر کو موسلا دھار بارش کی پیش گوئی
- لاہورچڑیا گھر؛ اسنیک ہاؤس کا ٹھیکہ منسوخ کرنے پرنجی کمپنی عدالت پہنچ گئی
- گرمی کی شدت کے باعث وفاقی سرکاری تعلیمی اداروں کی چھٹیوں میں توسیع
- فحش فلم دیکھنے کے بعد بھائی کی ساتھ سوئی کمسن بہن کیساتھ زیادتی اور قتل
- رینجرزاورپولیس کی مشترکہ کارروائیاں، لاکھوں روپے کی منشیات برآمد
- نامعلوم گاڑی کی ٹکرسے کمسن بچی جاں بحق
- سپریم کورٹ 41 ایم این ایز پر پی ٹی آئی چھوڑنے کے دباؤ کا نوٹس لے، عمر ایوب
- کرم میں زمین کے تنازع پر قبائل میں جھڑپیں، 24 افراد جاں بحق، 112 زخمی
- کھانا وقت پر نہ دینے پر کم سن ملازمہ پر تشدد کرنے والے مالکان گرفتار
- کراچی؛ گزشتہ ہفتے پولیس مقابلے میں 5ڈاکو ہلاک، 30ملزمان گرفتار کیے گئے
- کیڑے مار ادویات سے کینسر کا خطرہ تمباکوشی جتنا ہے، ماہرین
- درد میں مبتلا شہری کے جگر سے کانچ کا ٹکڑا برآمد
عمران خان اور مولانا کے اتحاد میں حائل خلیج ختم ہونے میں وقت لگے گا، عبدالغفور حیدری
![مولانا عبدالغفور حیدری پارلیمنٹ ہاؤس میں صحافیوں سے غیررسمی گفتگو کر رہے تھے—فوٹو: فائل](https://c.express.pk/2024/07/2665672-image-1720632315-951-640x480.jpg)
مولانا عبدالغفور حیدری پارلیمنٹ ہاؤس میں صحافیوں سے غیررسمی گفتگو کر رہے تھے—فوٹو: فائل
اسلام آباد:
پارلیمنٹ ہاؤس میں صحافیوں سے غیر رسمی گفتگو کرتے ہوئے مولانا عبدالغفورحیدری نے کہا کہ حکومت کے خلاف تحریک کا آغاز کرچکے ہیں، اب ہم بیٹھیں گے اور شیڈول طے کریں گے کہ مزید کہاں جلسے کرنے ہیں۔
انہوں نے کہا کہ 7 ستمبر کو لاہور میں یوم الفتح منائیں گے اور14 اکتوبر کو ہمارے بڑے جلسے ہوں گے، ملک بھر میں سیمینار وغیرہ میں عوام، وکلا اور دانشور حضرات کے سامنے ہم اپنا بیانیہ رکھیں گے۔
مولانا عبدالغفورحیدری کا کہنا تھا کہ ملک کا کیا بنے گا 75 سال کے بعد بھی ہم ابھی تک وہیں کھڑے ہیں، سندھ، بلوچستان اور خیبرپختونخوا (کے پی) میں عزم استحکام کے نام سے آپریشن کی لوگوں نے مخالفت کی ہے۔
ان کا کہنا تھا کہ نفرتیں بڑھ رہی ہیں اور اگر نفرتیں اسی طرح بڑھیں گی اور انتشار ہوگا تو ملک ٹوٹنے کا خطرہ ہے۔
دہشت گردی کے واقعے کے حوالے سے ان کا کہنا تھا کہ سورج ڈھلتے ہی لوگ اپنے گھروں میں محصور ہوتے ہیں، طاقت کے بل بوتے پر یہ مسائل حل نہیں ہوں گے، ہم سیاسی کارکن ہیں اور تجربے سے بتا رہے ہیں کہ اب حالات ٹھیک نہیں ہیں، حکومت کی گرفت کمزور پڑ گئی ہے۔
مرکزی سیکریٹری جمعیت علمائے اسلام نے کہا کہ ہر جگہ ڈاکو دندناتے پھر رہے ہیں ان کے پاس جدید اسلحہ ہے، ان کو یہ اسلحہ کہاں سے ملتا ہے یہ ساری چیزیں قابل غور ہیں۔
انہوں نے کہا کہ میاں صاحب سے رابطے تھے اور ان کو ہماری وجہ سے ریلیف ملا ہے یہ قدم ان کو اٹھانا چاہیے تھا کہ ساتھ چلتے اور معاملات درست کرتے لیکن شاید ان کے بس میں بھی کچھ نہیں ہے۔
مولانا عبدالغفور حیدری کا کہنا تھا کہ بعض معاملات میں چیزیں ایسی ہیں جیسے ہم نے تحریک چلائی تو میاں صاحب اور زرداری کو فائدہ ہوا اور اب بھی اگر ہماری تحریک سے عمران خان کو فائدہ ہوتا ہے تو یہ ہمارے بس کی بات نہیں ہے۔
ان کا کہنا تھا کہ پاکستان تحریک انصاف (پی ٹی آئی) سے رابطوں کے لیے جب پی ٹی آئی کمیٹی بے گی اور نام سامنے آئیں گے تو ہم بھی کمیٹی بنائیں گے، عمران خان اور مولانا فضل الرحمان کے اتحاد میں ایک بہت بڑی خلیج، ایک پہاڑ حائل ہے، اس کو پگھلنے میں وقت لگے گا۔
مولانا عبدالغفور حیدری نے کہا کہ اب بھی احتساب ٹھیک نہیں ہو رہا، صاف و شفاف ٹرائل ہونا چاہیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔