- 58 سال کی عمر میں اولمپکس میں چلی کی نمائندگی کرنے والی کھلاڑی
- اراکین پارلیمنٹ کا سپریم کورٹ سے مبارک ثانی کیس فیصلے پر نظرثانی کا مطالبہ
- جماعت اسلامی گورنر ہاؤس کے اندر دھرنا دے، کامران ٹیسوری کا مشورہ
- سابق کپتان وقار یونس نے پی سی بی میں ذمہ داریاں سنبھال لیں
- کسٹمز میں پکڑے گئے موبائل مارکیٹ میں فروخت ہونے کا انکشاف
- حکومتی کمیٹی کا رابطہ، جماعت اسلامی کا مطالبات پورے ہونے تک دھرنا ختم کرنے سے انکار
- جاب کی خوشی میں دعوت دینے والی لڑکی کیساتھ بچپن کے دوستوں کی جنسی زیادتی
- عمران خان کے ترلے منت شواہد کے حامل ایک سیل پکڑنے کا شاخسانہ ہیں، عطااللہ تارڑ
- ویتنام میں کوئلے کی کان بیٹھ گئی؛ 5 افراد ہلاک
- 100 بچوں کا حیاتیاتی باپ ہوں، ٹیلیگرام سی ای او کا انکشاف
- مدارس کے حوالے سے عسکری اداروں میں غلط فہمیاں پائی جاتی ہیں، مفتی تقی عثمانی
- انٹربینک مارکیٹ میں ڈالر ایک مرتبہ پھر مہنگا ہوگیا
- برطانیہ؛ پاکستانی نژاد انجم چوہدری کو دہشتگردی کے الزام میں عمر قید
- الیکشن کے بعد پارٹی وابستگی ظاہر کرنے والا امیدوار کسی اور جماعت میں شامل نہیں ہوسکتا، الیکشن ایکٹ ترمیمی بل پیش
- سونے کی فی تولہ قیمت میں 400 روپے کی معمولی کمی
- اسٹاک مارکیٹ مندی کا شکار، سرمایہ کاروں کے 43 ارب ڈوب گئے
- عمران خان کی 7 مقدمات میں درخواست ضمانت پر فریقین کو نوٹس جاری
- طالبان نے بیرون ملک افغان سفارت خانوں سے متعلق اہم فیصلہ کرلیا
- بھارت میں مسافر بردار ٹرین پٹڑی سے اتر گئی؛ ہلاکتیں
- دولت مشترکہ کے ساتھ تعاون مضبوط بنانے کی ضرورت ہے ، صدر مملکت
مسلم لیگ (ن) سے حکومت نہیں چل رہی، ہم حکومت بنانا اور گرانا جانتے ہیں، صدر زرداری
![فوٹو فائل](https://c.express.pk/2024/07/2665752-presidentasifzardari-1720638815-168-640x480.jpg)
فوٹو فائل
لاہور: صدر مملکت آصف علی زرداری نے کہا ہے کہ آئی ایم ایف قرض لے کر عوام کا امتحان لیا جارہا ہے جبکہ ن لیگ سے حکومت نہیں چل رہی، ہم حکومت بنانا اور گرانا جانتے ہیں۔
تفصیلات کے مطابق لاہور میں صدر مملکت آصف علی زرداری کی زیر صدارت پارٹی رہنماؤں کا اجلاس ہوا جس میں پارٹی کے رہنماؤں نے صدر مملکت سے پارٹی کارکنوں کے کام نہ ہونے کی شکایت کی۔
رہنماؤں نے صدر مملکت سے شکوہ کیا کہ حکومت پنجاب اور وفاقی حکومت تعاون نہیں کر رہی، ہمیں ہمارا پورا حق نہیں دیا جا رہا۔ ٹکٹ ہولڈرز نے شکایت کی کہ انتخابی حلقوں کے مسائل حل نہیں ہو رہے، ہم بھی ووٹ حاصل کرتے ہیں ووٹرز کو مطمئن کرنا پڑتا ہے۔
آصف علی زرداری نے رہنماؤں کے مسائل کے حل کی یقین دہانی کروائی اور کہا کہ اب خود میدان میں آگیا ہوں، اسلام آباد ہو یا لاہور سب سے کام کرواؤں گا، کوئی سیاسی جماعت پیپلزپارٹی کے مقابلے کی نہیں ہے، میری جماعت پر تنقید ہوتی ہے یہ میں ثواب سمجھتا ہوں۔
آصف زرداری نے پیپلز پارٹی پنجاب کی قیادت کو مل بیٹھ کر مسائل حل کرنے کی ہدایت کرتے ہوئے کہا کہ آئی ایم ایف سے قرضے لیکر عوام کا امتحان لیا جارہا ہے، ن لیگ سے حکومت نہیں چل رہی۔ ہم حکومت بنانا بھی جانتے ہیں اور گرانا بھی، ہم اپنی عوام کو تنہا نہیں چھوڑیں گے۔
انہوں نے کہا کہ پیپلز پارٹی کارکن تیار ہو جائیں ابھی بہت کام کرنا ہے، پیپلز پارٹی کی تنظیم میں نوجوانوں کو آگے لایا جائے۔ اس کے علاوہ آصف علی زرداری نے پیپلز پارٹی کی تنظیم سازی کی رپورٹ طلب کرلی اور کہا کہ ڈرائنگ روم کی سیاست نہیں کرنی بلکہ اب باہر نکلنے کا وقت ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔