امبانی کی شادی نے مشی خان اور صبا فیصل کو آپس میں لڑوادیا

اننت امبانی اور اُن کی منگیتر رادھیکا مرچنٹ 12 جولائی کو رشتہ ازدواج میں منسلک ہوں گے : فوٹو : ویب ڈیسک

---

ایشیا کے امیر ترین بھارتی بزنس ٹائیکون مکیش امبانی کے بیٹے کی شادی کی وجہ سے پاکستانی اداکارہ مشی خان اور صبا فیصل آپس میں اُلجھ پڑیں۔

رواں سال کی شروعات میں مکیش امبانی کے چھوٹے بیٹے آننت امبانی اور صنعتکار ویرن مرچنٹ کی بیٹی رادھیکا مرچنٹ کی شادی کی تقریبات کا آغاز ہوا تھا جوکہ تاحال جاری ہیں۔

اننت امبانی اور رادھیکا مرچنٹ کی اس طویل اور مہنگی ترین شادی نے جہاں سوشل میڈیا صارفین کو بیزار کردیا ہے تو وہیں پاکستانی اداکاراؤں کو آپس میں لڑوادیا ہے۔

مزید پڑھیں: "دولت دِکھانے کا بیہودہ طریقہ"، امبانی کی شادی پر زویا ناصر پھٹ پڑیں

دراصل، پاکستانی اداکارہ مشی خان نے اپنی انسٹاگرام ویڈیو میں مکیش امبانی سے مخاطب ہوتے ہوئے پوچھا تھا کہ آخر آپ کے بیٹے کی شادی کب ختم ہوگی؟ کیونکہ اب ہم اس شادی کی تقریبات دیکھ کر تھک چکے ہیں۔

مشی خان کا سوال سینیئر پاکستانی اداکارہ صبا فیصل کو ایک آنکھ نہ بھایا اور اُنہوں نے اداکارہ کی ویڈیو کو اپنی انسٹاگرام اسٹوری میں ری شیئر کرتے ہوئے کہا کہ لوگوں کو اپنی زندگی انجوائے کرنے دیں، اگر وہ اپنی خوشیوں پر پیسہ خرچ کررہے ہیں تو آپ بھی اُن کی خوشی میں خوش ہوئیں۔

View this post on Instagram

A post shared by lollywoodspace (@lollywoodspace)

صبا فیصل کے ردعمل نے مشی خان کو سیخ پا کردیا اور پھر اُنہوں نے اپنی انسٹاگرام اسٹوریز کے ذریعے سینیئر اداکارہ کو منہ توڑ جواب دے ڈالا۔

مشی خان نے صبا فیصل پر تنقید کرتے ہوئے کہا کہ میری پوسٹ میری مرضی، آپ کی پوسٹ پیڈ (payed) مرضی، آپ خوش رہیں، آپ میری خوشی کی فکر نہیں کریں۔

مزید پڑھیں: آپ کے بیٹے کی شادی کب ختم ہوگی؟ مشی خان کا مکیش امبانی سے سوال

اداکارہ نے کہا کہ جی جی! میں لوگوں کی خوشیوں کو بہت انجوائے کرتی ہوں، یہ میری اپنی سوچ ہے، کوئی تشہیری پوسٹ نہیں ہے جس کے بدلے مجھے بھاری معاوضہ ملا ہو، اس میں بہت بڑا فرق ہے، آپ بھی اسے انجوائے کریں۔



واضح رہے کہ اننت امبانی اور اُن کی منگیتر رادھیکا مرچنٹ 12 جولائی کو رشتہ ازدواج میں منسلک ہوں گے لیکن اس جوڑے کی شادی کی تقریبات رواں سال مارچ کے مہینے سے جاری ہیں۔