ضلع خیبر میں فائرنگ سے پولیس اہلکار شہید
پولیس اہلکار اسرار احمد شلوبر میں اپنے گھر چھٹی پر آیا تھا جسے نامعلوم ملزمان نے نشانہ بنایا، ڈی پی او
ضلع خیبر کے علاقہ باڑہ شلوبر میں نامعلوم افراد کی فائرنگ سے پولیس اہلکار شہید ہوگیا۔
ڈی پی او سلیم عباس کے مطابق واقعہ باڑہ تھانے کی حدود میں پیش آیا جہاں نامعلوم افراد نے فائرنگ کرکے پولیس اہلکار اسرار احمد کو شہید کردیا۔
ڈی پی او خیبر نے بتایا کہ پولیس اہلکار شلوبر میں اپنے گھر چھٹی پر آیا ہوا تھا کہ ملزمان نے گھر کے سامنے فائرنگ کا نشانہ بنایا۔
ملزمان واردات کے بعد فرار ہونے میں کامیاب ہوگئے جن کی تلاش کے لئے سرچ آپریشن شروع کردیا گیا ہے۔