شہر قائد کے مختلف علاقوں میں شاہین فورس کے مبینہ مقابلے، 5 ملزمان گرفتار

  کراچی: شہر قائد کے علاقے سکھن ، رضویہ ، نیو کراچی انڈسٹریل ایریا اور لیاقت آباد شاہین فورس نے مبینہ مقابلوں کے بعد 6 زخمی سمیت 5 ملزمان کو گرفتار کر کے اسلحہ، چھینی گی موٹرسائیکلیں اور دیگر مسروقہ سامان برآمد کر لیا۔

تفصیلات کے مطابق سکھن پولیس نے جمعرات اور جمعہ کی درمیانی شب لانڈھی بھینس کالونی سوڈا فیکٹری کے قریب سے مبینہ مقابلے کے بعد ایک ڈٓاکو کو زخمی حالت میں گرفتار کر لیا، زخمی ملزم کو ایدھی ایمبولینس کے ذریعے جناح اسپتال منتقل کیا گیا۔

ترجمان کراچی پولیس کے مطابق زخمی حالت میں گرفتار ملزم کی شناخت 26 سالہ زاہد حسین ولد علی محمد کے نام سے کی گئی، گرفتار ملزم کا ایک ساتھی موقع سے فرار ہونے میں کامیاب ہوگیا، گرفتار ملزم زاہد کے دائیں ٹانگ میں ایک گولی لگی ہے، حالت خطرے سے باہر ہے ، گرفتار ملزم سے ایک پستول بمعہ گولیاں ، موبائل فون اور موٹرسائیکل برآمد کی گئی۔

رضویہ سوسائٹی پولیس نے جمعرات اور جمعہ کی درمیانی شب ناظم آباد نمبر ایک اردو بازار پیڈسٹل برج کے قریب سے مبینہ مقابلے کے بعد ایک زخمی سمیت 2 ڈاکوؤں کو گرفتار کر لیا، زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔

ترجمان کراچی پولیس کے مطابق زخمی حالت میں گرفتار ڈاکو کی شناخت 30 سالہ یوسف ولد عبد الصمد کے نام سے کی گئی جبکہ دوسرے گرفتار ملزم نے اپنا نام جمشید ولد ضیاءالدین بتایا، گرفتار ملزمان سے ایک نائن ایم ایم پستول بمعہ گولیاں، نقد رقم ، موبائل فونز اور نقدی برآمد کی گئی۔

نیو کراچی انڈسٹریل ایریا پولیس نے جمعرات اور جمعہ کی درمیانی شب سیکٹر فائیو جی کالی مارکیٹ گورنمنٹ اسکول کے قریب سے مبینہ مقابلے کے بعد 2 ملزمان کو زخمی حالت میں گرفتار کر لیا، زخمی حالت میں گرفتار ملزمان کو طبی امداد کے لیے عباسی شہید اسپتال منتقل کیا گیا۔

ترجمان کراچی پولیس کے مطابق زخمی حالت میں گرفتار ملزمان کی شناخت 23 سالہ سراج پٹھان عرف شیرا ولد میر عالم اور 22 سالہ اکبر خان ولد جمعہ خان کے ناموں سے کی گئی، گرفتار ملزمان سے دو تیس بور پستول بمعہ گولیاں، موبائل فونز، نقد رقم اور چھینی گئی 2 موٹرسائیکلیں برآمد کی گئیں، گرفتار ملزمان کا تعلق موٹرسائیکل لفٹنگ گینگ سے ہے، گرفتار ملزمان کا کرائم ریکارڈ چیک کیا جا رہا ہے۔

لیاقت آباد تھانے کی شاہین فورس نے جمعرات اور جمعہ کی درمیانی شب قاسم آباد پل سندھی ہوٹل کے قریب سے مبینہ مقابلے کے بعد 2 ملزمان کو زخمی حالت میں گرفتار کر لیا، زخمی حالت میں گرفتار ملزمان کو طبی امداد کے لیے عباسی شہید اسپتال منتقل کیا گیا۔

ترجمان کراچی پولیس کے مطابق زخمی حالت میں گرفتار ملزمان کی شناخت 30 سالہ سجاد ولد محید اور 35 سالہ حسن رضا ولد محمود علی کے ناموں سے کی گئی ، گرفتار ملزمان  سے ایک تیس بور پستول بمعہ گولیاں، نقدی سے بھرے چھینے گئے 3 پرس ، 4 چھینے گئے موبائل فونز ، نقدی رقم اور 125 موٹرسائیکل برآمد کر لی گئی ۔