کچھ جماعتیں وکٹ کے دونوں طرف کھیل رہی تھیں، امیر جماعت اسلامی

 لاہور: امیر جماعت اسلامی حافظ نعیم الرحمٰن نے کہا ہے کہ الیکشن کمیشن کو استعفٰی دے کر گھر جانا چاہییے۔

امیر جماعت اسلامی حافظ نعیم الرحمن نے سپریم کورٹ کے فیصلے پر ردعمل دیتے ہوئے کہا کہ کفر ٹوٹا خدا خدا کرکے۔ مخصوص نشستوں پر سپریم کورٹ کے فیصلے خیر مقدم کرتے ہیں۔ فیصلے سے کچھ جماعتوں کی دو رنگی بھی عیاں ہوگئی جو جمہور کے فیصلے کے خلاف ناجائز طریقے سے ان سیٹوں پر قبضہ کرکے بیٹھی تھیں۔

حافظ نعیم الرحمٰن نے مزید کہا کہ کچھ جماعتیں وکٹ کے دونوں طرف کھیل رہی تھیں۔ ‏یہ معاملہ یہیں ختم نہیں ہونا چاہیے۔  اب جوڈیشل کمیشن بنا کر فارم 45 کی بنیاد پر قومی اور صوبائی اسمبلی کی نشستیں بھی حقداروں کو واپس ملنی چاہئیں۔