- لاہور میں آج سے موسلادھار بارشوں کا امکان
- چین کے ہائی ویز پر لیزر سسٹم کی تنصیبات
- 16ویں منزل سے گرنے والا بچہ معجزاتی طور پر بچ گیا
- اینٹارکٹیکا میں برف کا پگھلاؤ سطح سمندر میں تیزی سے اضافے کا سبب
- مقبوضہ کشمیر اور منی پور میں 2 بھارتی فوجیوں کی خودکشی
- اداکاروں میں خودکشی ایک بیماری بنتی جارہی ہے، ماہرین
- ڈیمنشیا کے خطرے والے عوامل میں دو نئے عوامل کا اضافہ
- بذریعہ ہائبرنیشن سالوں سے محفوظ کردہ گوشت کی نمائش
- ملک میں بارشوں کا سلسلہ جاری، چھتیں گرنے سے 8 افراد جاں بحق، متعدد زخمی
- ٹی ریکس ڈائناسور کتنا ذہین تھا؟
- جوز بٹلر انجری کا شکار ہوکر دی ہنڈریڈ ٹورنامنٹ سے باہر
- کوہاٹ میں باپ نے اپنی نومولود جڑواں بیٹیوں کو قتل کردیا
- کراچی میں پولیس نے مبینہ مقابلوں میں 3 زخمی سمیت 5 ڈاکو گرفتار کرلیے
- مہنگائی کیخلاف جماعت اسلامی کا راولپنڈی اور کراچی دھرنا جاری
- کراچی میں اگست کے دوران موسم خوشگوار رہے گا، محکمہ موسمیات
- ناروے کپ؛ پاکستان کی انڈر-15، 17 دونوں ٹیموں کو شکست
- 'بورڈ کھلاڑیوں کیخلاف کارروائی نہ کرے! کوچز میدان میں آگئے'
- ایس آئی ایف سی کی کاوشوں سے ملکی برآمدات میں ریکارڈ اضافہ
- پنجاب سے رواں سال کا پہلا پولیس کیس رپورٹ
- چیمپئینز ٹرافی 2025؛ ڈرافٹ شیڈول منظر عام پر آگیا
بھارت میں آسمانی بجلی قہر بن کر ٹوٹ پڑی؛ 29 افراد ہلاک اور 18 طالبعلم زخمی
پٹنہ: بھارتی ریاست بہار میں آسمانی بجلی گرنے کے مختلف واقعات میں ہلاک ہونے والوں کی تعداد 29 ہوگئی جب کہ 18 طالب علم زخمی ہیں۔
بھارتی میڈیا کے مطابق ریاست بہار کے مختلف اضلاع میں آسمانی بجلی گرنے کے واقعات رونما ہوئے ہیں۔
مدھوبانی میں 5، اورنگ آباد میں 4، سوپول اور نالندا میں تین تین، لاکھی سارائی اور پٹنہ میں دو دو جب کہ بیگوسارائی، جموئی، گوپالگنی، روہتاس، سمستاپور اور پورنیا میں ایک ایک ہلاکتیں ہوئیں۔
اسی طرح گاؤں بتھنہ میں کسانوں پر اُس وقت بجلی گری جب وہ کھیتوں میں کام کر رہے تھے۔ آسمانی بجلی نے پلک جھپکتے 2 کسانوں کو نگل لیا جب کہ ایک کی حالت تشویشناک ہے۔
ریاست بہار ہی کے ایک اور گاؤں ڈومریا میں 2 خواتین آسمانی بجلی گرنے سے ہلاک ہوگئیں اور ایک شخص شدید زخمی ہے۔
آسمانی بجلی گرنے کا ایک اور واقعہ ضلع بھوج پور میں پیش آیا جہاں ایک اسکول پر آسمانی بجلی گری تاہم خوش قسمتی سے اس واقعے میں کوئی جانی نقصان نہیں ہوا تاہم 18 طلبا زخمی ہوگئے۔
رہائشیوں نے اپنی مدد آپ کے تحت طلبا کو قریبی اسپتال منتقل کیا جہاں 2 طلبا کو انتہائی نگہداشت کے وارڈ میں داخل کیا گیا ہے جب کہ بقیہ کی حالت خطرے سے باہر بتائی جا رہی ہے۔
ریاست بہار کے ڈیزازٹر منیجمنٹ اتھارٹی کی جانب سے جاری بیان میں کہا گیا ہے کہ رواں ماہ آسمانی بجلی گرنے کے واقعات میں ہلاک ہونے والوں کی تعداد 50 سے تجاوز کرگئی۔
ریاست کے وزیراعلیٰ نتیش کمار نے آسمانی بجلی کے گرنے سے ہلاک ہونے والوں کے لواحقین کے لیے 4 لاکھ روپے فی کس مالی امداد کا اعلان کیا ہے اور زخمیوں کی سرکاری خرچے پر علاج کی یقین دہانی کرائی ہے۔
واضح رہے کہ گزشتہ روز بھارتی ریاست اترپردیش میں بھی بجلی گرنے کے مختلف واقعات میں بچوں سمیت 38 افراد ہلاک ہوگئے تھے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔