اظفر علی کا کبریٰ، رمشا اور نازش جہانگیر کو اداکاری سیکھنے کا مشورہ

  کراچی: پاکستانی اداکار اظفر علی نے فلم و ٹی وی انڈسٹری کی معروف اداکاراؤں کبریٰ خان، نازش جہانگیر اور رمشا خان کو اداکاری سیکھنے کا مشورہ دیا ہے۔

حال ہی میں اظفر علی نے کامیڈین اداکار مانی کے ہمراہ نجی ٹی وی چینل کے پروگرام میں بطورِ مہمان شرکت کی جہاں اُنہوں نے مختلف موضوعات پر گفتگو کی۔

اس پروگرام کی میزبان نے اظفر علی سے پوچھا کہ کبریٰ خان، رمشا خان اور نازش جہانگیر میں سے کس کو اداکاری نہیں آتی؟

میزبان کے سوال کا جواب دیتے ہوئے اظفر علی نے کہا کہ ان تینوں کو ہی اداکاری نہیں آتی، یہ جواب سُن کر مانی نے اظفر علی سے کہا کہ اب تُم اپنے اس بیان پر ان تینوں اداکاراؤں کے مداحوں کو ردعمل دیکھنا۔

مانی کی بات کے جواب میں اظفر علی نے کہا کہ مداحوں کا مسئلہ نہیں ہے، دراصل! بات یہ ہے کہ ان تینوں کو اداکاری آسکتی ہے اگر یہ تھیٹر میں کام کرلیں کیونکہ ایسا کرنے سے ان کو اداکاری کی تھوڑی بہت ٹریننگ مل جائے گی۔

اظفر علی نے کہا کہ کبریٰ، رمشا اور نازش جہانگیر کو معلوم ہی نہیں کہ ڈائیلاگز پر چہرے کے کیسے تاثرات دینے ہیں، یہ تینوں صرف جملے پھینکتی ہیں۔

اداکار نے مزید کہا کہ آپ جب بھی ان کے ڈرامے دیکھو تو اندازہ ہوجائے گا کہ انہیں یہ بھی نہیں معلوم کہ جملے کو کہاں کیسے بولنا ہے۔