پاکستان ریلوے نے مسافروں کی سہولت کے لیے لکژری ریل کار متعارف کروانے کا فیصلہ کیا ہے۔

سیکریٹری ریلویز سید مظہر علی شاہ نے سماجی رابطے کی ویب سائٹ ''ایکس'' پر بتایا کہ لکژری ریل کار پبلک پرائیویٹ پارٹنرشپ کے تحت ملک کے بڑے شہروں کے درمیان چلائی جائے گی۔

منصوبے کا مسودہ تیار کر لیا گیا ہے جس کے مطابق 4 ریل کاروں پر تقریباً 45 ملین ڈالر کی لاگت آئے گی۔

ریلوے کی جانب سے ریل کار 4 مختلف روٹس پر چلائی جائیں گی جس میں اسلام آباد سے لاہور، لاہور سے فیصل آباد، لاہور سے ملتان اور کراچی سے حیدر آباد شامل ہے۔