- بیگا اوپن اسکواش ٹورنامنٹ؛ پاکستان کے ناصر اقبال کے نام
- پیرس اولمپکس؛ کیا آپکو معلوم ہے امریکی جمناسٹرز نے کتنی مہنگی کٹ پہنی؟
- کراچی؛ 100 سے زائد ڈکیتیوں میں ملوث 2 ملزمان گرفتار
- عدم تعاون تحریک؛ بنگلا دیش میں 18 افراد جاں بحق اور سیکڑوں زخمی
- پیرس اولمپکس؛ خواتین سوئمرز سے متعلق نامناسب تبصرہ! کمنٹیٹر برطرف
- دہشت گردی کیخلاف کامیابی میں پولیس فورس کا نمایاں کردار ہے، صدر مملکت
- اسرائیل میں چاقو بردار فلسطینی کے حملے میں 2 افراد ہلاک اور 2 زخمی
- 2 ججز کے اختلافی نوٹ نے مخصوص نشستوں کے فیصلے پر بہت بڑا سوالیہ نشان لگادیا، وزیر اطلاعات
- کے پی میں بدعنوانی کی شکایات، عمران خان نے جائزے کیلیے کمیٹی تشکیل دیدی
- حکومت کو خطرہ ہے تو وزیراعظم اسمبلی تحلیل کرکے نئے انتخابات کرا لیں، پیپلز پارٹی
- حکومت ایم کیو ایم جیسی اتحادی جماعتوں کیساتھ مل کر چال بازیاں کررہی ہے، لیاقت بلوچ
- حماس میں اسماعیل ہنیہ کی جگہ کون لے گا؛ مشاورتی عمل شروع
- پیرس اولمپکس؛ ایتھلیٹس کو گرمی سے بچانے کیلئے بھارتی حکومت اے سی بھجوادیے
- جسکی سوچ بلوچستان کو کمزور کرنا ہے انہیں آزاد نہیں چھوڑ سکتے، وزیراعلیٰ
- لاہور میں آج سے موسلادھار بارشوں کا امکان
- چین کے ہائی ویز پر لیزر سسٹم کی تنصیبات
- 16ویں منزل سے گرنے والا بچہ معجزاتی طور پر بچ گیا
- اینٹارکٹیکا میں برف کا پگھلاؤ سطح سمندر میں تیزی سے اضافے کا سبب
- مقبوضہ کشمیر اور منی پور میں 2 بھارتی فوجیوں کی خودکشی
- اداکاروں میں خودکشی ایک بیماری بنتی جارہی ہے، ماہرین
ہیوی ٹریفک کو لیاری ایکسپریس وے پر منتقل کیا جائے گا، میئرکراچی
کراچی: میئر کراچی بیرسٹر مرتضیٰ وہاب نے کہا ہے کہ شہر کی سڑکیں ہیوی ٹریفک کا مسلسل دباؤ برداشت نہیں کرسکتیں، تھرڈ پارٹی کی مثبت رپورٹ کی صورت میں ہیوی ٹریفک کو لیاری ایکسپریس وے پر فوری منتقل کیا جائے گا جس سے شہر میں ٹریفک کی روانی بہتر ہوگی۔
بیرسٹر مرتضیٰ وہاب نے یہ بات جمعے کے روز صدر دفتر بلدیہ عظمیٰ کراچی میں نیشنل ہائی وے اتھارٹی، کراچی پورٹ ٹرسٹ اور کے ایم سی کے اعلیٰ افسران کے اجلاس کی صدارت کرتے ہوئے کہی، اس موقع پر میونسپل کمشنر کے ایم سی ایس ایم افضل زیدی اور دیگر افسران بھی موجود تھے۔
اجلاس میں کراچی کی سڑکوں پر ٹریفک نظام کی بہتری کے لیے لیاری ایکسپریس وے کے موثر استعمال کے متعلق مختلف پہلوؤں کا تفصیلی جائزہ لیا گیا اور نیشنل ہائی وے اتھارٹی، کے پی ٹی اور کے ایم سی کے متعلقہ افسران کی جانب سے مختلف تجاویز پیش کی گئیں۔
میئر کراچی بیرسٹر مرتضیٰ وہاب نے کہا کہ شہر میں بڑھتے ہوئے ٹریفک کے پیش نظر کراچی کی اہم سڑکوں پر ٹریفک کو منظم انداز میں چلانے کے لیے ضروری ہے کہ موجودہ انفرااسٹرکچر کو بہتر طریقے سے استعمال میں لایا جائے کیونکہ اب یہ شہر ٹریفک کی مزید بدنظمی کا متحمل نہیں ہوسکتا۔
انہوں نے کہا کہ لیاری ایکسپریس وے پر ہیوی ٹریفک کے کھلنے سے شہر میں ٹریفک کی روانی بہتر ہوگی اور دیگر سڑکوں پر ٹریفک کے دباؤ میں کمی آئے گی، اس سلسلے میں جمعرات تک تھرڈ پارٹی رپورٹ جمع کرائے گی جس سے آئندہ کا لائحہ عمل طے کیا جائے گا، لیاری ایکسپریس وے پر بھی ایم کیٹ سسٹم سے صبح اور شام کے اوقات میں بہتری لائی جاسکتی ہے۔
میئرکراچی نے کہا کہ شہر کے مختلف حصوں سے ہیوی ٹریفک گزرنے کی وجہ سے ماڑی پور سے لے کر لانڈھی تک ٹریفک کا نظام بری طرح متاثر ہو رہا ہے، ہیوی ٹریفک کے باعث ماڑی پور روڈ، ایم ٹی خان روڈ، سن سیٹ بلو وارڈ، کورنگی روڈ، جام صادق پل اور دیگر علاقوں کی سڑکوں پر ٹریفک جام ہونے سے نہ صرف شہریوں کا قیمتی وقت اور ایندھن ضائع ہوتا ہے بلکہ ماحولیاتی اعتبار سے بھی یہ صورتحال تسلی بخش نہیں کہی جاسکتی لہٰذا شہر میں ٹریفک کی صورتحال کی بہتری کے لیے ہمیں اس کے حل کی طرف جانا ہوگا۔
میئر کراچی بیرسٹر مرتضیٰ وہاب نے کہا کہ لیاری ایکسپریس وے کراچی میں ہیوی ٹریفک کے حوالے سے مستقبل میں بہترین حل ہوسکتا ہے، اہم ترین پورٹ سٹی ہونے کی وجہ سے کراچی کی سڑکوں پر مال بردار گاڑیوں،ہیوی ٹرالرز اور ٹرکس کی آمدورفت سارا سال جاری رہتی ہے اور خاص طور پر بندرگاہ کے اطراف اور کراچی سے اندرون ملک جانے والی سڑکوں پر ٹریفک کا دباؤ بڑھ جاتا ہے۔
انہوں نے کہا کہ انتظامیہ کی جانب سے ہیوی ٹریفک کے لیے اوقات کار مقرر کیے گئے ہیں تاہم یہ ضروری ہے کہ اس مسئلے کا مستقل حل نکالا جائے جس کے لیے تمام اسٹیک ہولڈرز کی مشاورت اور رہنمائی سے حکمت عملی مرتب کی جا رہی ہے۔
بیرسٹر مرتضیٰ وہاب نے کہا کہ اس سلسلے میں وفاقی حکومت اور اس کے زیر انتظام اداروں کے ساتھ بھی مسلسل رابطہ رکھا جا رہا ہے اور آج کے اجلاس کا مقصد بھی یہی ہے کہ کراچی میں ہیوی ٹریفک کے حوالے سے صورتحال کو جلد از جلد بہتر بنانے کے لیے ضروری اقدامات عمل میں لائے جائیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔