وزیراعظم سے وفاقی وزیرداخلہ کی محرم کے دوران امن و امان کی صورتحال پر بات چیت

ملاقات میں ملکی سیاسی صورت حال پر بھی تبادلہ خیال کای گیا—فوٹو: فائل

---

وزیراعظم شہباز شریف سے وفاقی وزیرداخلہ محسن رضا نقوی نے ملاقات کی اور محرم الحرام کے دوران امن و امان اور ملک کی مجموعی سیاسی صورت حال پر تبادلہ خیال کیا۔

وزیراعظم کے دفتر سے جاری بیان کے مطابق وزیراعظم شہباز شریف سے وفاقی وزیر داخلہ و انسداد منشیات محسن رضا نقوی نے ملاقات کی اور اس موقع پر محرم الحرام کے دوران امن و امان کی صورت حال کے حوالے سے بات چیت کی۔

وزیراعظم شہباز شریف نے ملاقات کے دوران محرم الحرام کے مہینے بالخصوص عاشورہ کے موقع پر تمام صوبوں، گلگت بلتستان اور آزاد جموں و کشمیر کی حکومتوں سے سیکیورٹی امور پر ہم آہنگی اور روابط مزید بہتر کرنے کی ہدایت کی۔

ملاقات میں وفاقی وزارت داخلہ سے متعلق دیگر امور پر بھی تبادلہ خیال کیا گیا، ملاقات میں ملک کی مجموعی اور سیاسی صورت حال پر بات چیت کی گئی۔