- سابق انگلش کرکٹر اور کوچ گراہم تھورپ 55 سال کی عمر میں انتقال کرگئے
- پنوعاقل؛ مسافر وین اور ٹرالر میں خوفناک تصادم، ایک جاں بحق، 7 شدید زخمی
- ایف بی آر نے ٹیکس کی شرح کا ٹیبل جاری کر دیا، ٹیکس کی یکمشت ادائیگی پر 25 فیصد ڈسکاونٹ
- کرفیو کی وجہ سے بنگلہ دیش اے ٹیم کی پاکستان آمد تاخیر کا شکار
- کراچی؛ بلوچ یکجہتی کونسل کے 13 کارکنان رہا
- ملک بھر میں ماہ صفرالمظفر کا چاند نظر نہیں آیا
- اعجاز انور چوہان صوبائی الیکشن کمشنر پنجاب کے عہدے پر بحال
- کراچی ائیرپورٹ سمیت ملکی ہوائی اڈوں پر یوم استحصال کشمیرکی مناسبت سے بینرزآویزاں
- وزیرخارجہ اسحاق ڈار او آئی سی کے خصوصی اجلاس میں شرکت کریں گے
- بنگلادیش؛ مظاہرین چیف جسٹس کے گھر سے کاریں اور قیمتی سامان لے گئے
- والدہ اب کبھی سیاست میں واپس نہیں آئیں گی؛ شیخ حسینہ کے بیٹے کا بیان
- خاتون کے سر میں جوئیں رینگنے پر طیارے کی ہنگامی لینڈنگ
- عبوری حکومت میں شمولیت؛ آرمی چیف طلبا سے بھی ملاقات کریں گے
- مظاہرین کا حسینہ واجد کے گھر پر دھاوا؛ کھانے پر ٹوٹ پڑے، قیمتی سامان لے گئے
- کراچی میں کل رات سب سے زیادہ بارش کہاں ہوئی؟ اعداد و شماری جاری
- واردات کا شکار ہونے والے جرمن سیاح کو وزیراعلی پنجاب کی جانب سے 5 لاکھ روپے کی امداد
- ملائیشیا: تائیکوانڈو چمپیئن شپ میں پاکستانی کھلاڑیوں نے دو گولڈ میڈل جیت لئے
- حسینہ واجد سرکاری محل سے اپنے ساتھ کیا کیا چیزیں بھارت لے گئیں
- اسلام آباد ہائیکورٹ بار کا سپریم کورٹ سے مبارک ثانی فیصلے پر نظر ثانی کا مطالبہ
- شہری ہمارا ساتھ دیں تو ہمیں وفاق اور سندھ کی طرف دیکھنے کی ضرورت نہیں، میئر کراچی
نیٹو میں اسرائیل کے ساتھ تعاون کی کسی کوشش کی منظوری نہیں دیں گے، ترک صدر
واشنگٹن: ترک صدر رجب طیب اردوان نے کہا ہے کہ نیٹو کے اندر اسرائیل کے ساتھ تعاون کی کسی کوشش کی منظوری نہیں دیں گے اور اگر اس طرح کی کوشش کی گئی تو یہ ناقابل قبول ہوگا۔
خبرایجنسی اناطولو کی رپورٹ کے ترک صدر رجب طیب اردوان نے نیٹو سربراہی اجلاس کے بعد واشنگٹن ڈی سی میں پریس کانفرنس کے دوران کہا کہ یہ ممکن نہیں ہے کہ اسرائیلی انتظامیہ نیٹو کے ساتھ اپنی شراکت داری کے تحت تعلقات جاری رکھے کیونکہ اسرائیل نے ہمارے اتحاد کے بنیادی اقدار کو روند ڈالا ہے۔
اردوان نے کہا کہ نیٹو کے سربراہی اجلاس کے دوران غیررسمی ملاقاتوں میں رہنماؤں کی توجہ مقبوضہ فلسطینی علاقوں اور خاص طور پر غزہ کی صورت حال پر دلائی ہے۔
انہوں نے کہا کہ اسرائیلی وزیراعظم بینجمن نیتن یاہو کی انتظامیہ نے اپنی توسیع پسندانہ اور ظالمانہ پالیسیوں کی وجہ نہ صرف اپنے شہریوں کی سلامتی خطرے میں ڈال دی ہے بلکہ پورے خطے کو بھی خطرات سے دوچار کردیا ہے۔
ترک صدر کا زور دیتے ہوئے کہنا تھا کہ جب تک فلسطین میں جامع اور پائیدار امن قائم ہونے تک نیٹو کے اندر اسرائیل کے ساتھ تعاون کی کوشش کو ترکیے کی جانب سے منظوری نہیں دی جائے گی۔
نیٹو کے دفاعی اتحاد میں 32 اراکین شامل ہیں لیکن کئی غیررکن ممالک اور عالمی اداروں کے ساتھ تعلقات ہیں اور اس سے نیٹو کے شراکت دار کہا جاتا ہے۔
اس فوجی اتحاد کی 75 ویں سالگرہ منانے کے لیے نیٹو سربراہوں کا تین روزہ اجلاس امریکا میں منعقد ہوا۔
ترک صدر رجب طیب اردوان نے کہا کہ عالمی برادری کے ذمہ دار اراکین کے لیے ضروری ہے کہ وہ اسرائیل اور فلسطین کے درمیان 1967 کی سرحد کی بنیاد پر دو ریاستی حل کے لیے متحد ہوں۔
ان کا کہنا تھا کہ ہر طرح کے دباؤ اور دھمکیوں کے باوجود کئی ممالک کی جانب سے فلسطین کو تسلیم کرنے کے سلسلے میں اضافہ ہوا ہے، جس پر ہمیں خوشی ہے۔
انہوں نے دیگر ممالک پر زور دیا کہ وہ اسرائیل کے خلاف عالمی عدالت انصاف میں شکایت درج کرائیں۔
اردوان کا کہنا تھا کہ غزہ میں جنگ بندی اور مستقل امن کے قیام کے لیے ترکیے ضمانت سمیت کسی بھی اقدام کے لیے تیار ہے۔
ترک صدر نے کہا کہ میں اپنے تمام اتحادیوں پر زور دوں گا کہ وہ نتین یاہو کی انتظامیہ پر زور دیں کہ وہ جنگ بندی اور غزہ کے عوام تک انسانی بنیاد پر امداد کی فراہمی یقینی بنائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔