کوہاٹ میں گاڑی پر فائرنگ سے 4 افراد جاں بحق 3 زخمی

پولیس نے مقدمہ درج کرکے ملزمان کی تلاش شروع کردی ہے تاہم اب تک کسی بھی قسم کی گرفتاری عمل میں نہپں آئی فوٹو: فائل

---

استرزئی میں نامعلوم افراد نے گاڑی پر فائرنگ کرکے 4 افراد کو قتل جبکہ 3 کو زخمی کردیا۔

ایکسپریس نیوز کے مطابق کوہاٹ سے خیبر ایجنسی کی وادی تیراہ کی جانب جانے والی گاڑی پر استر زئی کے مقام پر پہلے سے گھات لگائے افراد فائرنگ کرکے فرار ہوگئے۔ فائرنگ سے گاڑی میں سوار4 افراد موقع پر ہی دم توڑ گئے جبکہ 3 زخمی ہوگئے ۔ لاشوں اور زخمیوں کو انتہائی تشویشناک حالت میں اسپتال پہنچایا گیا جہاں زخمیوں کو طبی امداد فراہم کی جارہی ہے۔ طبی عملے میں جاں بحق افراد میں ایک خاتون کے شامل ہونے کی بھی تصدیق کی ہے۔

واقعے کے بعد پولیس نے مقدمہ درج کرکے ملزمان کی تلاش شروع کردی ہے تاہم اب تک کسی بھی قسم کی گرفتاری عمل میں نہپں آئی۔