سابق کپتان سرفراز احمد کی بھرپور ٹریننگ کا سلسلہ جاری

کراچی: سابق ٹیسٹ کپتان اور وکٹ کیپر بیٹر سرفراز احمد کی بھر پور ٹریننگ کا سلسلہ جاری ہے۔

پاکستان کی جانب سے 54 ٹیسٹ، 117 ون ڈے انٹرنیشنل اور 61 ٹی ٹوئنٹی انٹرنیشنل میچز کھیلنے والے سرفراز احمد ہفتہ کو نیشنل اسٹیڈیم میں حنیف محمد ریجنل ہائی پرفارمنس سینٹر پہنچے۔

ہائی پرفارمنس سینٹر کے پریکٹس ایریا میں  سابق کپتان بیٹنگ کی مشقیں کرتے ہوئے جارحانہ اسٹروکس کھیلتے ہوئے نظر آئے۔

سرفراز احمد  پی سی بی کے تحت  ریڈ بال کھلاڑیوں کے لیے حال ہی میں منعقدہ  پری سیزن اور فٹنس کیمپ  کا  بھی حصہ تھے۔