- قومی ہیرو ارشد ندیم کو ڈبل ڈیکر بس میں لاہور کی سیر کے بعد میاں چنوں روانہ
- اللہ تعالیٰ کا شکر ادا کرتا ہوں، سپورٹ پر پوری قوم کا شکر گزار ہوں۔ ارشد ندیم
- امریکی صدارتی انتخابی مہم، تین ریاستوں میں کملا ہیرس کو ٹرمپ پر برتری حاصل
- پی این ایس حنین کا رومانیہ سے پاکستان کی جانب پہلے سفر کا آغاز
- دی ہنڈرڈ: برمنگھم فینکس نے ویلش فائر کو 5 وکٹوں سے شکست دے دی
- قومی ہیرو ارشد ندیم کا شایان شان استقبال
- وفاقی ٹیکس محتسب کی سائٹ کراچی کے صنعتکاروں کو انصاف فراہم کرنے کی یقین دہانی
- سیرالیون: حکومت پر قبضے کی ناکام کوشش میں شامل فوجی اہلکاروں کو طویل قید
- دی ہنڈرڈ: ویلش فائر کا برمنگھم فینکس کو جیت کے لیے 147 رنز کا ہدف
- خیبرپختونخوا میں 'تعلیم کارڈ' کے اجراء کا فیصلہ
- امریکا کی اسرائیل کو اسلحے کیلئے 3.5 ارب ڈالر کی مزید فوجی امداد
- پشاور میں ماں، 3 بیٹیوں اور بیٹے کو فائرنگ کر کے قتل کردیا گیا
- بلوچستان میں بارشوں سے اموات کی تعداد 15 تک پہنچ گئی، 33 زخمی
- اسلام آباد میں ڈینگی وائرس پھیلنے لگا، 14 کیسز رپورٹ
- وزیراعظم کی جانب سے ارشد ندیم کیلئے پرتکلف ظہرانے کی تیاریاں
- میانمار سے ہجرت کرنے والے روہنگیا افراد پر ڈرون حملہ، سیکڑوں افراد جاں بحق
- پنجاب اسمبلی میں نازیبا زبان کے استعمال اور ہتک آمیز الفاظ پر پابندی لگانے پر اتفاق
- پشاور ہائیکورٹ 9 مئی واقعات کی انکوائری نہیں کرنا چاہتی تو صاف انکار کردے، ایڈووکیٹ جنرل کے پی
- بک بینک کے قیام کا منصوبہ ناکامی سے دوچار
- دی ہنڈرڈ: سدرن بریو نے ٹرینٹ راکٹس کو 2 وکٹوں سے شکست دے دی
شہباز حکومت نے بانی پی ٹی آئی، بشریٰ بی بی کو رہا نہیں ہونے دیا، عمر ایوب
![عمر ایوب اڈیالہ جیل کے باہر میڈیا سے بات کر رہے تھے—فوٹو: فائل](https://c.express.pk/2024/07/2667378-image-1720891691-410-640x480.jpg)
عمر ایوب اڈیالہ جیل کے باہر میڈیا سے بات کر رہے تھے—فوٹو: فائل
راولپنڈی: پاکستان تحریک انصاف (پی ٹی آئی) کے رہنما اور قومی اسمبلی میں اپوزیشن لیڈر عمر ایوب نے کہا ہے کہ شہباز شریف اور مریم نواز کی فاشسٹ حکومت نے بانی پی ٹی آئی اور بشری بی بی کو رہا نہیں ہونے دیا۔
اڈیالہ جیل کے باہر میڈیا سے گفتگو کرتے ہوئے عمرایوب نے کہا کہ آج عدالتی فیصلے پر خوشی ہوئی، عدالت نے بانی پی ٹی آئی اور بشریٰ بی بی کو عدت کیس رہا کردیا اور اس بے ہودہ کیس کو مسترد کردیا تھا۔
ان کا کہنا تھا کہ کل بھی خوشی کا سماں تھا کہ سپریم کورٹ نے اکثریت کے ساتھ فیصلہ تھا اور پاکستان تحریک انصاف کو بطور پارٹی بحال کیا اور ہماری مخصوص نشستیں ہمیں ملیں۔
انہوں نے کہا کہ ہم نے مطالبہ کیا تھا کہ چیف الیکشن کمشنر اور چاروں کمشنروں کو فی الفور مستعفی ہونا چاہیے اور ان کے خلاف آرٹیکل 6 لگنا چاہیے کیونکہ انہوں نے آئین کی خلاف ورزی کی اور فیصلے کی غلط تشریح کی۔
عمر ایوب نے کہا کہ ساڑھے 6 بجے سے پونے 10 بجے تک ہم اڈیالہ جیل کے سامنے کھڑے رہے، پولیس کی نفری کھڑی رہی، ہم انتظار کر رہے تھے کہ بشریٰ بی بی کو اس گیٹ سے باہر لے آئیں گے۔
ان کا کہنا تھا کہ آج ایک فاشسٹ حکومت نے اور پولیس نے میرے ساتھی انتظار پنجوتھہ کو حبس بے جا یعنی یرغمال بنائے رکھا، اندر بیٹھا کر باہر آنے نہیں دیا اور دوسرے کیس میں صرف فارمیلٹی پوری کرنے کے لیے بشریٰ بی بی کو گاڑی میں باہر لے آئے اور پھر جیل کے اندر لے گئے اور دوسرے کیس میں گرفتار کرلیا۔
انہوں نے کہا کہ ہم اس کی شدید مذمت کرتے ہیں، ملک ایک بنانا ری پبلک بنا ہوا ہے، کچھ دن پہلے بھی یہاں چوکی میں پارلیمنٹیریئنز کو نکال دیا گیا تھا لیکن آج تو انتہا ہوگئی۔
عمر ایوب کا کہنا تھا کہ سینیٹر اعظم سواتی کے ساتھ مغرب کی نماز پڑھنے گیٹ کے سامنے گئے تو چوکی اڈیالہ کے انسپکٹر، ایس ایچ اوز اور ڈی ایس پی نے ہمارا راستہ روک لیا کہ آپ مسجد میں نماز پڑھنے کے لیے نہیں جاسکتے۔
انہوں نے کہا کہ چوکی پر تعینات پولیس اہلکاروں اور افسران نے ہمارا راستہ روکا، مریم نواز اور اور شہباز شریف کی کرپٹ حکومت ملوث ہیں، کرپٹ آئی جی پنجاب اور محسن نقوی کے کہنے پر سب کیا گیا، ان افسران کے خلاف تحریک استحقاق پیش کریں گے، یہ افسران پولیس کی وردی میں غنڈے ہیں، ان کا قانونی تعاقب کریں گے، نیب کے افسر نے ہمارے لوگوں کو گرفتار کیا۔
ان کا کہنا تھا کہ ہم نے کسی کارکن کو اڈیالہ جیل آنے کی کوئی کال نہیں دی، آج اڈیالہ جیل میں وکلا، اعظم سواتی، انتظار پنجوتھہ اور ان کا اسٹاف آیا تھا، حکومت اس وقت مکمل طور پر ناکام ہو چکی ہے،
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔