گولی لگنے کے بعد ٹرمپ نے اپنے محافظوں سے پہلا جملہ کیا کہا

سیکیورٹی اہلکاروں کی جوابی فائرنگ میں حملہ آور مارا گیا جس کی شناخت 20 سالہ میتھیو کے نام سے ہوئی

ویب ڈیسک July 14, 2024

سیکیورٹی اہلکاروں کی جوابی فائرنگ میں حملہ آور مارا گیا جس کی شناخت 20 سالہ میتھیو کے نام سے ہوئی

امریکی سابق صدر ڈونلڈ ٹرمپ صدارتی الیکشن مہم کے دوران ایک انتخابی ریلی میں حملہ آور کی فائرنگ میں بال بال بچ گئے۔

عالمی خبر رساں ادارے کے مطابق سابق صدر پر حملہ آور نے اُس وقت گولی چلائی جب ڈونلڈ ٹرمپ اسٹیج پر کھڑے تقریر کر رہے تھے۔ گولی ان کے کان کو چھو کر گزر گئی تھی۔

ڈونلڈ ٹرمپ حاضر دماغی کا مظاہرہ کرتے ہوئے ہوئے فوراً جھک گئے اور خود کو ڈیسک کے پیچھے چھپا لیا۔

یہ خبر پڑھیں؛ سابق امریکی صدر ڈونلڈ ٹرمپ قاتلانہ حملے میں زخمی، جوابی فائرنگ سے حملہ آور ہلاک

اسی دوران ان کے سیکورٹی محافوں نے لپک کر سابق صدر کو حصار میں لیا اور جب تک حملہ آور کو جوابی فائرنگ میں مار نہیں دیا گیا۔ جسمانی ڈھال بنے رہے۔

حملہ آور کے مارے جانے کے بعد سیکیورٹی اہلکاروں نے ڈونلڈ ٹرمپ کو ڈیسک سے اُٹھایا اور گاڑی کی جانب لے کر جانے لگے۔

سابق صدر نے سیکیورٹی اہلکاروں کو پہلا جملہ یہ کہا کہ تھوڑی دیر رکو میں اپنا جوتا پہن لوں۔ اس کے بعد ٹرمپ مکا لہراتے ہوئے اُٹھے اور گاڑی تک گئے۔

اس دوران انتخابی جلسے میں موجود ان کے حامی بھی جذباتی ہوگئے اور فائٹ فائٹ فائٹ کے نعرے لگانے لگے۔

یہ خبر بھی پڑھیں؛ ڈونلڈ ٹرمپ پر ناکام قاتلانہ حملے میں ملوث شوٹر کی شناخت ہوگئی

امریکی میڈیا کے مطابق حملہ آور کی شناخت 20 سالہ تھامس میتھیو کروکس کے نام سے ہوئی ہے تاہم حملے کے محرکات کا اندازہ نہیں لگایا جا سکا۔

فائرنگ میں ایک اور شخص بھی ہلاک ہوا جس کی شناخت کا عمل جاری ہے۔