گجرات سونے کی دو بالیوں کی خاطر بزرگ خاتون کو قتل کرنے والے سفاک ملزمان گرفتار
ملزمان اسی گاؤں کے رہائشی اور مقتولہ کے پڑوسی تھے، مزید تفتیش کی جارہی ہے، پولیس
پولیس نے بزرگ خاتون کو قتل کرنےو الے سفاک ملزمان گرفتار کرلیے۔
پولیس کے مطابق نواحی گاؤں حسن پٹھان میں بزرگ خاتون فضالت کوثر کو قتل کرنے والے سفاک ملزمان گرفتار کرلیے گئے ہیں جن میں دو خواتین اورایک مرد شامل ہیں۔
پولیس کا کہنا ہے کہ قتل کی واردات میں ملوث اویس بٹ، ثمن الیاس اور زرقا یوسف نے اعتراف جرم کرلیا ہے۔
دوران تفتیش یہ بات سامنے آئی کہ ملزم اویس کی ثمن اور زرقا سے دوستی تھی جنہوں نے گھر سے لاہور بھاگ جانے کا پروگرام بنایا، تینوں نے پیسے نہ ہونے پر بزرگ پڑوسن کو قتل کرکے طلائی بالیاں لوٹنے کا منصوبہ بنایا۔
ملزمان نے مقتولہ کے منہ پر تکیہ رکھ کر اسے موت کے گھاٹ اتار دیا اورکانوں سے سونے کی بالیاں اتار کرفرارہو گئے تھے۔
پولیس کے مطابق ملزمان کے خلاف قتل اور ڈکیتی کی دفعات کے تحت مقدمہ درج کرلیا گیا ہے اور مزید تفتیش کی جارہی ہے۔