لونی کوٹ کے قریب ایم نائن پر ٹریفک حادثے میں 6 افراد جاں بحق ہوگئے۔

ایکسپریس نیوز کے مطابق تمام افراد جامن سے بھری مزدا لیکر کراچی جا رہے تھے کہ اس دوران ٹرالر سے تصادم ہوگیا، مرنے والوں میں دو بھائی بھی شامل ہیں۔

پولیس کا کہنا ہے کہ حادثے کا شکار مزدہ فروٹ لیکر حیدرآباد سے کراچی جارہی تھی، ہلاک شدگان کی شناخت 28 سالہ نانجی، 30 سالہ امداد حسین، 28 سالہ آمر جی، 35 سالہ رمیش، جیتن اور رمیش کے ناموں سے ہوئی۔

چار زخمیوں کی حالت بھی تشویش ناک بتائی جاتی ہے، تمام افراد کی لاشیں ڈسٹرکٹ ہیڈ کواٹر اسپتال کوٹری منتقل کر دی گئی ہیں۔