- حکومت کا 8 ہزار ارب روپے کے قرضے حاصل کرنے کا منصوبہ تیار
- بلوچستان میں پولیو کا ایک اور کیس سامنے آگیا
- کراچی میں 3روز کے لیے موسم ابرآلود، ہلکی بارش اور بونداباندی کا امکان
- ایچ آر سی پی کا انٹرنیٹ اسپیڈ میں کمی اور فائر وال کی تنصیب پر سخت اظہار تشویش
- نامور مصورہ رابعہ ذاکر کا قومی ہیرو ارشد ندیم کو خراج تحسین
- چیئرمین ایف بی آر کا عملے کی جانب سے پوسٹنگ کیلیے اثرورسوخ کے استعمال کا نوٹس
- عمرہ زائرین کی آڑ میں حوالہ ہنڈی کا دھندا کرنے والا ملزم گرفتار
- ایپل صارفین دل کی دھڑکن سے فون ان لاک کر سکیں گے
- انسٹاگرام کی ورٹیکل پروفائل گرڈ کی آزمائش جاری
- بلوں میں مزید ٹیکس لگانے پر شہری کو مرتضٰی وہاب سے شکایات
- ایک اور پاکستانی ایتھلیٹ نے عالمی مقابلے میں گولڈ میڈل جیت لیا
- خیبرپختونخوا میں چینی سیاحوں کا داخلہ روکنے پر گورنر کے پی شدید برہم، رپورٹ طلب
- انٹرنیشنل کرکٹ کونسل نے ویمنز ٹی 20 ورلڈکپ کا مقام تبدیل کردیا
- وزیراعظم سے میٹا وفد کی ملاقات، ‘متعلقہ حکام کو مسائل حل کرنے کی ہدایت’
- عمران خان کی ذاتی معالجین سے طبی معائنے کیلئے اسلام آباد ہائیکورٹ میں درخواست
- کراچی؛ پکڑی گئی منشیات اور ممنوعہ اشیا کی بھاری مقدار نذر آتش
- کراچی: شاہ لطیف ٹاؤن میں پولیس مقابلے کے دوران 2 ڈاکو ہلاک
- لاہور کے علاقے میں معمولی تنازع پر گولیاں چل پڑی، 1 جاں بحق
- چیئرمین جوائنٹ چیفس آف اسٹاف جنرل ساحر شمشاد کی ارشد ندیم سے ملاقات
- ’ بجلی کی قیمت میں ریلیف دیں ‘ گورنرسندھ نے وزیراعلیٰ کو خط لکھ دیا
اسلام آباد ہائیکورٹ: صنم جاوید کو گھر جانے کی اجازت، جمعرات تک گرفتار نہ کرنے کا حکم
![(فوٹو : ویڈیو اسکرین گریب)](https://c.express.pk/2024/07/2668178-sanemjavedrihapti-1721048618-595-640x480.jpg)
(فوٹو : ویڈیو اسکرین گریب)
اسلام آباد ہائی کورٹ نے صنم جاوید کو گھر جانے کی اجازت دے دی اور پولیس کو جعمرات تک گرفتاری سے روک دیا اور کہا ہے کہ اگر اس دوران صنم جاوید نے ایک لفظ بھی بولا تو عدالت اپنا آرڈر واپس لے لے گی۔
ایکسپریس نیوز کے مطابق صنم جاوید کے والد نے بیٹی کی رہائی کے لیے اسلام آباد ہائی کورٹ سے رجوع کیا جس کی سماعت ہوئی۔ سماعت جسٹس میاں گل حسن اورنگزیب کے روبرو ہوئی۔ وکیل بیرسٹر میاں علی اشفاق عدالت کے سامنے پیش ہوئے۔
صنم جاوید کے والد نے استدعا کی کہ بیٹی کو اسلام آباد ہائیکورٹ میں پیش کرنے اور غیر قانونی حراست سے فوری رہا کرنے کا حکم دیا جائے۔
انہوں نے مؤقف اختیار کیا کہ صنم جاوید کیخلاف مقدمات کی تفصیلات فراہم کرنے کی ہدایت کی جائے اور اس کیخلاف درج مقدمات پر کارروائی کو بھی روکا جائے۔
یہ بھی پڑھیں: پی ٹی آئی کارکن صنم جاوید رہائی کے بعد ایک بار پھر گرفتار
صنم جاوید کے والد نے درخواست میں وفاقی حکومت، ایف آئی اے، آئی جی اسلام آباد و دیگر کو فریق بناتے ہوئے صنم جاوید کو حراست میں لئے جانے یا اغوا کے عمل کو غیر قانونی قرار دینے کی استدعا بھی کی۔
اسلام آباد ہائی کورٹ نے صنم جاوید کو اسلام آباد سے باہر لے جانے سے روکتے ہوئے شام ساڑھے پانچ بجے ہائیکورٹ کے سامنے پیش کرنے کا حکم دیا۔
ہائی کورٹ نے صنم جاوید کو اسلام آباد سے باہر لے جانے سے بھی روکتے ہوئے آئی جی اسلام آباد اور ڈی جی ایف آئی اے کو آج شام ذاتی حیثیت میں طلب کرلیا۔
شام ساڑھے پانچ بجے پولیس نے صنم جاوید کو اسلام آباد ہائیکورٹ میں پیش کردیا ۔ آئی جی اسلام آباد بھی ہائیکورٹ پہنچ گئے۔
عدالت کا صنم جاوید کیخلاف ایک سال کا مکمل ریکارڈ پیش کرنے کا حکم
عدالت نے صنم جاوید کو جمعرات تک گرفتار کرنے سے روکتے ہوئے انہیں گھر جانے کی اجازت دے دی۔
عدالت نے صنم جاوید کے خلاف ایک سال کا مکمل ریکارڈ پیش کرنے کا حکم دیتے ہوئے کہا کہ صنم جاوید اس دوران ایک بھی لفظ بولیں تو عدالت آپنا آرڈر واپس لے لے گی، جمعرات تک صنم جاوید اسلام آباد کے دائرہ اختیار سے باہر نہ جائے۔
واضح رہے کہ صنم جاوید کی عدالتوں سے رہائی کے بعد گرفتاری کا سلسلہ جاری ہے۔ گزشتہ روز ڈسٹرکٹ اینڈ سیشن کورٹ اسلام آباد نے ایف آئی اے کے کیس میں صنم جاوید کے جسمانی ریمانڈ کی درخواست مسترد کرکے انہیں رہا کرنے کا حکم دیا تھا۔
گوجرنوالہ جیل سے رہا ہوتے ہی اسلام آباد پولیس نے انہیں گرفتار کرکے بلوچستان پولیس کے حوالے کردیا تھا جو صنم جاوید کو کوئٹہ لے جارہی تھی تاہم ہائی کورٹ نے صنم جاوید کو اسلام آباد سے باہر لے جانے سے روک دیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔